‘గుంటూరు కారం’ సినిమా గురించి ఏ చిన్న విషయం బయటకు వచ్చినా వైరల్‌ అవుతోంది. ఎందుకంటే ఆ సినిమా విడుదలకు ఇంకా గట్టిగా ఓ వారమే ఉంది. త్వరలో ప్రీ రిలీజ్‌ ఈవెంట్ చేస్తారు అంటున్నారు. ఆ విషయాలు ఇంకా ఓ నిర్ణయానికి రాలేదు అని సమాచారం. అయితే ఈ లోపు రెండు ఆసక్తికర విషయాలు బయటికొచ్చాయి. అయితే వీటిని పుకార్లు అనలేం. ఎందుకంటే వాటి గురించి చూచాయగా చెప్పింది ఆ సినిమా నిర్మాణ సంస్థే. నిర్మాత నాగవంశీ ఈ మేరకు చెప్పారు.
సినిమా నిర్మాత నాగవంశీ ఇటీవల మీడియాతో మాట్లాడుతూ సినిమాకు ఊహించలేని బజ్‌ పెంచారు. ఆయన చెప్పిన ఆ విషయాలు వింటే వామ్మో అనక తప్పదు. ఎందుకంటే సినిమాలో ఒక సమయంలో ఇద్దరు సూపర్‌ స్టార్‌లు ఉంటారు అని అన్నారు నాగవంశీ. దీంతో ఈ మాటను రెండు రకాలుగా అర్థం చేసుకుంటున్నారు అభిమానులు. కొంతమంది ఓ ఫ్రేమ్‌లో దివంగత సూపర్‌ స్టార్‌ కృష్ణ కనిపిస్తారు అని అంటుంటే.. మరికొందరేమో ఇద్దరు మహేష్‌బాబులు కనిపిస్తారేమో అంటున్నారు.
కృష్ణ కన్నుమూసిన తర్వాత మహేష్‌ నుండి వస్తున్న సినిమా ఇదే కావడంతో కచ్చితంగా ఆయనే ఉంటారు అనేది కొందరి వాదన. ఇక మరో విషయం ఈ సినిమా ఆఖరి 45 నిమిషాల్లో మహేష్‌ బాబు విశ్వరూపం చూస్తారు అని చెబుతున్నారు. మాస్‌, ఎమోషన్‌ కలగలిపి ఆ సన్నివేశాలను దర్శకుడు త్రివిక్రమ్‌ అద్భుతంగా తెరకెక్కించారట. దానికి సంగీత దర్శకుడు తమన్‌ అదిరిపోయే బ్యాగ్రౌండ్‌ స్కోర్‌ రెడీ చేస్తున్నారట.
మొత్తంగా ఈ కాంబో థియేటర్లు దద్దరిల్లేలా చేస్తుంది అని అంటున్నారు. మరో విషయం ఏంటంటే… ఈ సినిమా ప్రీ రిలీజ్‌ ఈవెంట్‌ను అమెరికాలోని థియేటర్‌లో లైవ్‌ టెలీకాస్ట్‌ చేస్తారట. కాలిఫోర్నియాలోని సినీ లాంజ్‌ ఫ్రీమాంట్‌ 7 సినిమాస్‌ స్క్రీన్‌పై ప్రీరిలీజ్‌ వేడుక ప్రత్యక్ష ప్రసారం చేస్తారట. ఇవికాకుండా మరికొన్ని ఆకర్షణలు కూడా ఉన్నాయి అని టాక్‌. అన్నట్లు ఈ సినిమాలో (Guntur Kaaram) మీనాక్షి చౌదరి పాత్రకు సంబంధించి ఇప్పటివరకు ఎలాంటి వివరాలు లేవు. ఆమె కూడా స్పెషల్‌గా ఉండబోతోంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home
