సూపర్ స్టార్ కోసం గూఢచారి బృందం ప్రయత్నాలు

గూఢచారి పేరుచెప్పగానే తెలుగు వారి మదిలో మెదిలే మొదటి పేరు సూపర్ స్టార్ కృష్ణ. ఈ తరహా సినిమాలతో కృష్ణ తెలుగు ప్రేక్షకులను అలరించారు. ఇప్పుడు అదే పేరుతో యువ దర్శకులు రాహుల్ – శశి కిరణ్ లు సినిమాని తెరకెక్కిస్తున్నారు. ఇందులో హీరో హీరోయిన్లుగా అడివి శేష్, శోభితా ధూళిపాళ నటిస్తున్నారు. ఈ మూవీ  ప్రస్తుతం హైదరాబాద్ లో చిత్రీకరణ జరుపుకుంటోంది. అభిషేక్‌ పిక్చర్స్ నిర్మాణంలో రూపుదిద్దుకుంటున్న ఇందులో ప్రకాశ్ రాజ్, జగపతిబాబులు కీలకమైన పాత్రలను పోషిస్తున్నారు. మరో స్పెషల్ పాత్రలో సూపర్ స్టార్ కృష్ణ అయితే బాగుంటుందని చిత్ర బృందం ఆయన్ను కలిసింది.

నటించమని కోరగా.. కృష్ణ ఆసక్తి చూపించలేదని తెలిసింది. అయినా రాహుల్ – శశి కిరణ్ లు వెనక్కి తగ్గడం లేదు. ఆ పాత్రలో సూపర్ స్టార్  కనిపించాల్సిందేనని పట్టుబడుతున్నారు. ఆయన్ను ఒప్పించడానికి ప్రయత్నాలు చేస్తున్నారు. ఈ ప్రయత్నాలు విజయం సాధిస్తే.. గూఢచారిలో కృష్ణను చూసే అవకాశం లభిస్తుంది.

Also, do SUBSCRIBE to our YouTube channel to get latest Tollywood updates.