అప్పుడు వచ్చి ఉంటే ఇప్పుడు ఇలా జరిగేది కాదుగా.!

“టీవి5, టీవి9, మహా న్యూస్” చానల్స్ ను బ్యాన్ చేయాలంటూ పవన్ కళ్యాణ్ తోపాటు అల్లు అరవింద్, నాగబాబు పిలుపునిచ్చిన విషయం తెలిసిందే. ప్రస్తుతం మెగా ఫ్యాన్స్ అందరు సదరు చానల్స్ ను బ్లాక్ చేయడం, సదరు చానల్ యాప్స్ కు 1 స్టార్ రేటింగ్ ఇవ్వడంలో యమ బిజీగా ఉన్నారు. ఇక పవన్ కళ్యాణ్ ట్విట్టర్ సాక్షిగా సదరు చానల్స్ పై దాడి చేస్తున్న విషయం తెలిసిందే. అయితే.. పవన్ కళ్యాణ్ అండ్ కో ఇచ్చిన పిలుపును అక్కినేని కుటుంబం నుంచి సుప్రియ తిరస్కరించింది. అందుకు కారణం లేకపోలేదు.

అసలు విషయం ఎంటంటే.. “టీవి5 ఇన్ పుట్ ఎడిటర్ మీ ఇండస్ట్రీలో ****** లేరా” అంటూ లైవ్ షోలో ఇండస్ట్రీలో ఆడవాళ్ళను గూర్చి చాలా చీప్ గా మాట్లాడిన సంగతి విదితమే. ఆ సమయంలో ఇండస్ట్రీ పెద్దలందరూ ఏకమై సదరు చానల్ పై పోలీస్ కంప్లైంట్ ఇవ్వడంతోపాటు మా అసోసియేషన్ తరపునుంచి ఒక ప్రెస్ మీట్ కూడా పెట్టారు. ఆ ప్రెస్ మీట్ కు కొందరు హీరోయిన్లు, సీనియర్ ఆర్టిస్టులు హాజరయ్యారు.

కానీ.. మెగా ఫ్యామిలీ నుంచి మాత్రం ఎవరూ హాజరవ్వలేదు. ఈ విషయమై సుప్రియా ఇప్పుడు నిప్పులు చెరుగుతున్నారు. ఇండస్ట్రీని తక్కువ చేసిన మాట్లాడితే కనీసం ప్రెస్ మీట్ కు కూడా రాని మెగా కుటుంబం ఇప్పుడు వారిపై ప్రత్యక్ష దాడి మొదలయ్యేసరికి మాత్రం బ్యాన్ చేయాలంటూ హడావుడి చేయడం ఎంతవరకూ సబబు, అయినా సదరు చానల్స్ తో ఇండస్ట్రీకి ఎలాంటి సమస్యా లేదు కదా అని సుప్రియ వాదించడంతో మెగా కుటుంబ పెద్దలు షాక్ అయ్యారట.