అక్కినేని, దాసరి మధ్య దూరం పెరగడానికి కారణం ఏమిటంటే ?

తెలుగు చిత్ర పరిశ్రమలో వచ్చిన అద్భుతమైన ప్రేమకథ చిత్రాల్లో ప్రేమాభిషేకం ముందు వరుసలో ఉంటుంది. అక్కినేని నాగేశ్వరరావు, దాసరి నారాయణరావు కాంబినేషన్లో వచ్చిన ఈమూవీ ఘన విజయం సాధించింది. ఆ తర్వాత వీరిద్దరూ హిట్ కాంబో గా పేరుగాంచారు. కానీ ఆ తర్వాత ఇద్దరి మధ్య అభిప్రాయభేదాలు వచ్చి మాట్లాడుకోవడం మానేశారు. ఎందుకు శత్రువులయ్యారు? అనే విషయాన్ని అక్కినేని మనమరాలు సుప్రియ వెల్లడించారు. ఓ ఇంటర్వ్యూ లో ఆమె మాట్లాడుతూ.. తన తాత, దాసరిల మధ్య మరింత గొడవలు మరింత ముదరడానికి తాను కూడా ఒక కారణమని తెలిపింది. “నేను పద్దెనిమిదేళ్ల వయసులో అన్నపూర్ణ స్టూడియో బాధ్యతలు చేపట్టాను. అప్పట్లో అన్ని విషయాల్లోనూ కఠినంగా ఉండేదాన్ని.

పెద్దవాళ్ల విషయంలో ఎలా మాట్లాడాలో అప్పట్లో నాకు అంతగా తెలిసేదికాదు. అప్పుడే అన్నపూర్ణ స్టూడియోలో జరిగిన దాసరి మూవీ షూటింగ్ కు సంబంధించి కొన్ని బిల్లుల విషయంలో కఠినంగా వ్యవహరించడంతో అది అప్పట్టికే ఉన్న దాసరి, అక్కినేని మధ్య విభేదాల్ని పెంచింది. అందుకు నేను ఒకవిధంగా పరోక్షంగా కారణం” అని సుప్రియ ఆనాటి సంగతిని బయటపెట్టింది. అంతేకాకుండా తాను ఓ సమస్య నిమిత్తం అర్థరాత్రి 12గంటల సమయంలో దాసరి ఇంటికి వెళ్లానని, ఆ సమస్యను దాసరి పరిష్కరించారని సుప్రియ ఆయన మంచితనాన్ని వివరించింది.