Drushyam 2: ఆ వార్తల్లో నిజం లేదంటున్న సురేష్ బాబు..?

April 23, 2021 / 03:35 PM ISTByFilmy Focus

Join Us

Drushyam 2: ఆ వార్తల్లో నిజం లేదంటున్న సురేష్ బాబు..?

విక్టరీ వెంకటేష్, మీనా ప్రధాన పాత్రల్లో తెరకెక్కి 2014 సంవత్సరంలో విడుదలైన దృశ్యం సినిమా హిట్ గా నిలిచిన సంగతి తెలిసిందే. ఈ సినిమా నటుడిగా వెంకటేష్ కు మంచి పేరు తెచ్చిపెట్టింది. ఈ సినిమాకు సీక్వెల్ గా జీతూ జోసెఫ్ డైరెక్షన్ లో దృశ్యం 2 తెరకెక్కింది. కేవలం 47 రోజుల్లోనే ఈ సినిమా షూటింగ్ పూర్తి కావడం గమనార్హం. జూన్ నెల 20వ తేదీన ఈ సినిమాను రిలీజ్ చేస్తున్నట్టు చిత్రయూనిట్ ప్రకటించింది.

అయితే కరోనా సెకండ్ వేవ్ వల్ల ఇప్పటికే రిలీజ్ డేట్లను ప్రకటించిన సినిమాలు వాయిదా పడిన సంగతి తెలిసిందే. ఇదే సమయంలో చిన్న హీరోలు, మిడిల్ రేంజ్ హీరోలు నటించిన సినిమాలు ఓటీటీలలో విడుదలవుతున్నాయి. అయితే దృశ్యం 2 సినిమా కూడా ఓటీటీలోనే రిలీజ్ కానుందంటూ గత కొన్ని రోజులుగా ఇండస్ట్రీ వర్గాల్లో ప్రచారం జరుగుతుండగా తాజాగా నిర్మాత సురేష్ బాబు స్పందించి స్పష్టతనిచ్చారు. ఓటీటీలో దృశ్యం2 రిలీజ్ కానుందంటూ వస్తున్న వార్తల్లో నిజం లేదని సురేష్ బాబు తెలిపారు.

Suresh Babu Shocking Comments on Film Industry1

స్వయంగా ప్రకటించే వరకు దృశ్యం 2 సినిమా గురించి వైరల్ అవుతున్న వార్తలను నమ్మవద్దని సురేష్ బాబు వెల్లడించారు. అయితే ఈ సినిమాకు ఓటీటీ ఆఫర్లు రావడం మాత్రం వాస్తవమేనని తెలుస్తోంది. అనూప్ రూబెన్స్ ఈ సినిమాకు సంగీతం అందించారు. కరోనా వల్ల రిలీజ్ డేట్ మారినా ఎఫ్3 సినిమా కంటే ముందే ఈ సినిమా రిలీజయ్యే అవకాశాలు కనిపిస్తున్నాయి.