సూర్య మనసుకు నచ్చేస్తే, మనిషి నచ్చేస్తే.. అది చిన్న పాత్ర అయినా నటిచండానికి వెనుకాడరు అంటుంటారు. మొన్నీ మధ్య వచ్చిన ‘విక్రమ్‌’ సినిమానే దీనికి ఉదాహరణ. అందులో రోలెక్స్‌పాత్రలో అదరగొట్టాడు సూర్య. ఇప్పుడు మరోసారి అలాంటి ప్రయత్నం చేస్తున్నారు. అయితే ఈసారి ఆయన అలాంటి పాత్ర చేస్తున్న ఇది ఇక్కడ కాదు బాలీవుడ్‌లో. అంతేకాదు అది కూడా ఆయన గతంలో హీరోగా నటించిన సినిమాలోనే. కొత్తగా ఉంది కదూ.. అందుకే చేస్తున్నట్లున్నాడు సూర్య.
‘ఆకాశం నీ హద్దురా’ సినిమా గుర్తుంది కదా… లాక్ డౌన్‌, కరోనా పరిస్థితుల నేపథ్యంలో ఆ సినిమా ఓటీటీలో విడుదల చేశారు. తమిళంలో రూపొందిన ‘సూరరై పొట్రు’ సినిమాకు తెలుగు వెర్షన్‌ ఇది. అమెజాన్ ప్రైమ్ లో వచ్చిన ఈ సినిమా భారీ విజయాన్ని అందుకుంది. అత్యధిక వ్యూస్ ను సాధించి సూర్య కెరీర్‌లో మరపురాని సినిమాగా నిలిచిపోయింది. సినిమాలోని కొన్ని సన్నివేశాల్లో సూర్య నటనకు కళ్లెంబడి నీళ్లు తిరుగుతాయి. సుధా కొంగర ప్రసాద్‌ ఈ సినిమాను తెరకెక్కించారు. ఈ సినిమాకు సూర్యనే నిర్మాత.
ఎయిర్ డెక్కన్ వ్యవస్థాకుడు కెప్టెన్ జీఆర్‌ గోపీనాథ్ జీవిత కథ ఆధారంగా, విమానయాన రంగంలో మార్పులను వివరిస్తూ ‘ఆకాశమే నీ హద్దురా’ సినిమాను తెరకెక్కించిన విషయం తెలిసిందే. ఈ క్రమంలో సినిమాటిక్‌ లిబర్టీ తీసుకొని కొంత కల్పిత కథను కూడా జోడించారు. ఇప్పుడు ఈ సినిమాను హిందీలో రీమేక్ చేస్తున్న విషయం తెలిసిందే. సూర్య చేసిన పాత్రను హిందీలో అక్షయ్ కుమార్ పోషిస్తున్నాడు. ఒరిజినల్ వెర్షన్‌ను తెరకెక్కించిన సుధా కొంగరనే రీమేక్‌ను కూడా రూపొందిస్తున్నారు.
ఈ సినిమాలో సూర్య కూడా నటిస్తున్నారట. సినిమాలోకి చిన్న కేమియో చేయమని సూర్యను కోరడంతో ఆయన అంగీకరించారట. ఈ మేరకు ముంబయి వెళ్లి నటించారు. దీనికి సంబంధించిన ఫొటోను సూర్య తన ట్విటర్‌ ఖాతాలో పోస్ట్‌ చేశారు. అక్షయ్ కుమార్‌తో షూటింగ్‌లో పాల్గొనడం బాగుందని, ‘సూరరైపొట్రు’ టీమ్‌తో మళ్లీ కలసి పని చేయడం సూపర్‌ మూమెంట్‌ అని కూడా చెప్పాడు సూర్య. ఎంతైనా హీరోగా చేసిన సినిమా రీమేక్‌లో అతిథి పాత్ర చేయడం సూపర్‌ కదా.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
