మా టీవీలో కలర్స్ అనే షో తో కెమెరా ముందుకు వచ్చిన స్వాతి… ఆ షోతో బాగా పాపులర్ అయింది. అంతలా పేరు తెచ్చుకున్న ఆమె.. అష్టాచెమ్మా లో హీరోయిన్ గా నటించి విజయాన్ని అందుకుంది. ఇలా తెలుగులోనే కాకుండా తమిళం, మలయాళం సినిమాల్లో నటించి మంచి పేరు తెచ్చుకుంది. స్కిన్ షోకి దూరంగా అంటూ అభినయానికి ప్రాధాన్యత ఉండే పాత్రలు చేస్తూ మహిళలకు దగ్గరైంది. డబ్బింగ్ ఆర్టిస్టుగానూ విజయం సాధించింది. తాజాగా ఆమె ప్రేమ వివాహం చేసుకుంది.
గత కొంత కాలంగా పైలట్ వికాస్ తో ప్రేమాయణం సాగిస్తున్న స్వాతి పెళ్లి చేసుకోవడానికి చాలా ఇబ్బందులు పడింది. ఇరు కుటుంబాలను ఒప్పించడానికి చాలా కష్టపడింది. చివరికి తమ పేరెంట్స్ సమక్షంలోనే పెళ్లిపీటలు ఎక్కింది. వారి ఆశీర్వాదంతోనే మూడుముళ్లు వేసుకుంది. ఆమె పెళ్ళికి సంబంధించిన ఫోటోలు నిన్నటి నుంచి సోషల్ మీడియాలో చక్కర్లు కొడుతోంది. అభిమానులు, నెటిజనులు ఆమెకు శుభాకాంక్షలు చెబుతున్నారు. అయితే పెళ్లి తర్వాత ఇంటికే పరిమితమవుతుందా? లేకుంటే సినిమాలో నటిగా కనసాగుతుందా? బుల్లితెరలోకి రీ ఎంట్రీ ఇస్తుందా? అనేది కొన్ని రోజుల్లో తెలియనుంది.
