“సైరా నరసింహారెడ్డి” విడుదలకు ఇంకా పట్టుమని 15 రోజుల టైం ఉంది. ఇప్పటివరకు సినిమా ప్రమోషన్స్ లో ఎలాంటి ఊపు లేదు. 18న హైదరాబాద్ లో ప్లాన్ చేసిన ఈవెంట్ కూడా పోస్ట్ ఫోన్ అయ్యే అవకాశాలు ఎక్కువగా ఉన్నాయని తెలుస్తోంది. ఈవెంట్ పోస్ట్ పోన్ అయితే ట్రైలర్ రిలీజ్ కూడా పోస్ట్ పోన్ అవ్వడం అనేది జరుగుతుంది. అప్పుడు ప్రమోషన్స్ ఇంకాస్త లేట్ అవుతాయి. అసలు చరణ్ ట్రైలర్ లాంచ్ కోసం వెయిట్ చేయకుండా కనీసం ఒక సాంగ్ అయినా రిలీజ్ చేసి ఉంటే బాగుండేది. సైరాకి సంబంధించిన ఒక టీజర్ తప్ప ఇప్పటివరకు ఏమీ విడుదలవ్వకపోవడంతో మెగా అభిమానులు కూడా కాస్త బాధపడుతున్నారు.
ఇకపోతే.. “సైరా” ప్రమోషన్స్ లేట్ అవ్వడానికి కారణం సినిమా పోస్ట్ ప్రొడక్షన్ వర్క్ ఇంకా పూర్తిస్థాయిలో అవ్వకపోవడమే అనే వాదనలు కూడా వినిపిస్తున్నాయి. మరి విడుదల తేదీలోనూ మార్పులేమైనా ఉంటాయా లేక అనుకున్న తేదీకి వచ్చేస్తారా అనేది తెలియాలి. చిరంజీవి సరసన నయనతార, తమన్నా కథానాయికలుగా నటించిన ఈ చిత్రంలో అమితాబ్, అనుష్క, విజయ్ సేతుపతి, సుదీప్ లు కీలకపాత్రలు పోషించారు.
గ్యాంగ్ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి
