‘సైరా’ కు తలనొప్పిగా మారిన ‘బాహుబలి’..!

ఏ ముహూర్తాన ‘సైరా నరసింహ రెడ్డి’ చిత్రం మొదలుపెట్టారో కానీ అప్పటి నుండీ.. ఈ చిత్రాన్ని ‘బాహుబలి’ తో పోలుస్తూ రకరకాల కామెంట్లు చేస్తున్నారు నెటిజన్లు. ‘బాహుబలి’ చిత్రం కచ్చితంగా ఓ బెంచ్ మార్క్ సెట్ చేసింది.. కాదనలేం..! ఆ తరువాత పిరియాడికల్ నేపథ్యంలో అనేక సినిమాలు వచ్చాయి. అవన్నీ ఘోరమైన డిజాస్టర్లుగా మిగిలాయి. తమిళంలో విజయ్ నటించిన ‘పులి’, బాలీవుడ్ లో హృతిక్ రోషన్ నటించిన ‘మహోంజదారో’, ఆమిర్ ఖాన్, అమితాబ్ బచ్చన్ కలిసి నటించిన ‘దగ్స్ ఆఫ్ హిందూస్తాన్’ వంటి చిత్రాల్ని ‘బాహుబలి’ తో పోలుస్తూ విమర్శలు చేసినవారు అనేకమంది ఉన్నారు. ఇప్పుడు ‘సైరా’ ని కూడా అలాగే ‘బాహుబలి’ తో పోలుస్తూ ట్రోల్ చేస్తున్నారు.

అయితే ‘బాహుబలి’ మొదలవడానికి ముందే ‘ఉయ్యాల వాడ నరసింహ రెడ్డి’ చిత్రాన్ని ప్లాన్ చేసుకున్నామని.. కానీ మన బడ్జెట్ లెక్కలు.. అంత క్యాస్టింగ్ ను ఎలా సెట్ చేసుకోవాలి అనే విషయాల్ని దృష్టిలో పెట్టుకోవడం వల్ల లేటయ్యిందని మెగాస్టార్ ఆ డౌట్ ను ఎప్పుడో క్లియర్ చేసారు. ఇక ఇది పక్కన పెడితే… ‘బాహుబలి’ ట్రైలర్ ను మొదటగా థియేటర్లలో రిలీజ్ చేసారు. ఇప్పుడు ‘సైరా’ ట్రైలర్ ను కూడా అదే విధంగా ప్లాన్ చేశారు. ఇక మొదటిగా ‘సైరా’ ప్రీ రిలీజ్ ఈవెంట్ ను కర్నూల్ లో అనుకున్నారు. కానీ కొన్ని కారణాల వల్ల హైదరాబాద్ కి మార్చారు. అప్పట్లో ‘బాహుబలి ది బిగినింగ్’ ప్రీ రిలీజ్ ఈవెంట్ ను కూడా మొదట ఒక ప్లేస్ లో అనుకుని తరువాత వేరే ప్లేస్ కి మార్చారు. ఇప్పుడు ఈ చిన్న విషయంలో కూడా ‘బాహుబలి’ స్ట్రాటజీ నే ‘సైరా’ టీం ఫాలో అవుతున్నారు అని కొందరు కామెంట్స్ చేస్తున్నారు. అయితే వాతావరణాన్ని, స్థలాన్ని బట్టి ఓ పెద్ద ఈ సినిమా వేడుకల్ని నిర్వహిస్తుంటారు. అంత మాత్రాన అదే స్ట్రాటజీ అంటే ఎలా..? అని సినీ విశ్లేషకులు ప్రశ్నిస్తున్నారు. టాలీవుడ్ మార్కెట్ ను ఎక్స్టెండ్ చేసే విషయంలో ‘బాహుబలి’ ఓ ట్రెండ్ సెట్ చేసింది. అది కూడా కాదనలేం..! ఒకవేళ మార్కెట్ చేసుకోవద్దని అలాంటి స్ట్రాటజీ ఫాలో అయినా తప్పులేదనే చెప్పొచ్చు..!

గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి