షికారు చేస్తున్న సైరా నరసింహారెడ్డిలోని డైలాగ్

స్టార్స్ సినిమా మొదలవ్వగానే ఆ సినిమా గురించి తెలుసుకోవాలనే ఆరాటం అభిమానుల్లో పెరుగుతుంది. ఈ ఆసక్తే చిత్ర బృందానికి కష్టాలు తెచ్చి పెడుతున్నాయి. లీకుల బెడద నిద్రపోకుండా చేస్తున్నాయి. మొన్న బాహుబలి, నిన్న జై లవకుశ.. ఈ రోజు చిరంజీవి 151 వ సినిమా లీకుల భారీన పడ్డాయి. సురేందర్ రెడ్డి దర్శకత్వంలో చిరు నటిస్తున్న సైరా నరసింహా రెడ్డి సినిమా ప్రీ ప్రొడక్షన్ పనులు వేగంగా సాగుతున్నాయి. ప్రొడక్షన్ డిజైనర్ రాజీవన్ 1840 ల నాటి వాతావరణాన్ని సృష్టించేందుకు సెట్స్ స్కెచెస్ గీస్తున్నారు. హైదరాబాద్, రాజస్థాన్, పొల్లాచి వంటి ప్రాంతాల్లో సెట్టింగ్స్ వేయడానికి ప్లాన్ వేస్తున్నారు.

చిత్ర యూనిట్ తమ తమ పనుల్లో బిజీ ఉండగా.. ఈ సినిమాలోని ఓ డైలాగ్ లీక్ అయింది. “ఒరేయ్ నేను ఒట్టి చేతులతో వచ్చా.. నువ్వు భుజం మీద తుపాకీతో వచ్చావ్.. అయినా నా చెయ్యి మీసం మీదకి పోయేసరికి నీ బట్టలు తడిసిపోతున్నాయ్ రా” అనే డైలాగ్ సైరా లోనిదని ప్రచారం జోరుగా సాగుతోంది. ఇందులోని పవర్ చూస్తుంటే సైరా నరసింహారెడ్డి మూవీలోనిదేనని ఫిలిం నగర్ వాసులు చెబుతున్నారు. చిత్ర బృందం మాత్రం దీనిపై స్పందించలేదు. ఈ ఘటనతోనైనా నిర్మాత రామ్ చరణ్ లీకులు కాకుండా గట్టి చర్యలు తీసుకుంటారేమో చూడాలి.

Also, do SUBSCRIBE to our YouTube channel to get latest Tollywood updates.