చిరు 151 ‘సైరా నరసింహ రెడ్డి’లో నటించనున్న స్టార్స్ వీరే

మెగాస్టార్ చిరంజీవి 151 వ సినిమాలో నటించే నటీనటుల విషయంలో వచ్చిన అన్ని రూమర్స్ కి నేటితో ఫుల్ స్టాప్ పడింది. సైరా నరసింహ రెడ్డి చిత్రంలో భాగస్వాములు కానున్న ఆర్టిస్టులు, టెక్నీషియన్ల వివరాలను చిత్ర బృందం  “సై రా నరసింహ రెడ్డి కాస్ట్ & క్రూ” అనే పేరిట వీడియో రూపంలో స్పష్టం చేసింది. తొలి భారతీయ స్వాతంత్ర సమర యోధుడు రేనాటి సూర్యుడు జీవితం ఆధారంగా ఈ సినిమా రూపుదిద్దుకోనున్నట్లు ప్రకటించింది. ఇందులో భారతీయ సినిమా రారాజు అమితాబ్ బచ్చన్, డేరింగ్ స్టార్ జగపతి బాబు, కన్నడ స్టార్ కిచ్చ సుదీప్, విజయ్ సేతు పతి లు కీలక పాత్రలు పోషించనున్నారు. నయనతార హీరోయిన్ గా నటించనుంది. ఆస్కార్ అవార్డు గ్రహీత ఏ ఆర్ రెహమాన్ సంగీతాన్ని అందిస్తుండగా, రవి వర్మన్ సినిమాటోగ్రాఫర్ గా పనిచేయనున్నారు.

ప్రొడక్షన్ డిజైనర్ గా రాజీవన్ సినిమా నిర్మాణాన్ని ప్లాన్ చేయనున్నారు. కొణిదెల ప్రొడక్షన్ కంపెనీ బ్యానర్ లో రామ్ చరణ్ నిర్మిస్తున్న ఈ చిత్రాన్ని సురేందర్ రెడ్డి తెరకెక్కించనున్నారు. చిరంజీవికి లక్కీ రైటర్స్ గా పేరు గాంచిన పరుచూరి బ్రదర్స్ సైరా నరసింహ రెడ్డి కి కథ అందించారు . భారీ స్టార్ కాస్టింగ్, బడ్జెట్ తో రోపుదిద్దుకోనున్న ఈ మూవీ నాలుగు భాషల్లో రిలీజ్ కానుంది.

Also, do SUBSCRIBE to our YouTube channel to get latest Tollywood updates.