చిరంజీవి 151వ సినిమా వచ్చే ఏడాది విడుదలవ్వడం లేదట

“ఖైదీ నెం.150″తో గ్రాండ్ రీఎంట్రీ ఇచ్చిన మెగాస్టార్ చిరంజీవి ఆ తర్వాత ఆ స్పీడ్ ని కంటిన్యూ చేయకుండా కమర్షియల్ మీటర్ కి కంటెంట్ యాడ్ చేసి అర్ధవంతమైన సినిమాలు చేయాలని ఫిక్స్ అయ్యాడు. అందుకే “సైరా నరసింహారెడ్డి” అనే అద్భుతమైన చిత్రాన్ని మొదలెట్టిన చిరంజీవి దర్శకత్వ బాధ్యతను సురేందర్ రెడ్డికి అప్పగించిన చిరంజీవి.. ఆ ప్రొజెక్ట్ ను మధ్యలో కాస్త లైట్ తీసుకొన్నారు. దాంతో ప్రీప్రొడక్షన్ వర్క్ & లొకేషన్ స్కౌటింగ్ కు పట్టాల్సిన టైమ్ కంటే ఎక్కువ టైమ్ పట్టింది. ఆ కారణంగా ఈ ఏడాదిలో విడుదలవ్వాల్సిన చిత్రం ఏకంగా 2019కి పోస్ట్ పోన్ అయిన విషయం తెలిసిందే.

పోన్లే 2019లో అయినా సినిమా వస్తుందని అనుకున్నవాళ్లందరికీ మరో షాక్ తగిలింది ఇవాళ. 2019లో కాదు సినిమా ఏకంగా 2020 వరకూ వచ్చే అవకాశం లేదని తెలుస్తోంది. అందుకు కారణం నయనతార డేట్స్ ఎడ్జెస్ట్ కాకపోవడమే కాక గ్రాఫిక్స్ వర్క్ కూడా చాలా హెవీగా ఉండడంతో 2020 వరకూ “సైరా నరసింహా రెడ్డి వచ్చే అవకాశం లేదని తెలుస్తోంది. మరి చిరంజీవి ఈ విషయాన్ని దృష్టిలో పెట్టుకొని ఈమధ్యలో తన అభిమానుల కోసం మరో సినిమా ఏమైనా చేస్తే బాగుండు.