ఒక రోజు ముందుగానే మెగా ఫ్యాన్స్ కి పండుగ

మెగాస్టార్ చిరంజీవి ఖైదీ నంబర్ 150 తర్వాత చేస్తున్న మూవీ “సైరా నరసింహ రెడ్డి”. కొణిదెల ప్రొడక్షన్ బ్యానర్లో రామ్ చరణ్ తేజ్ నిర్మిస్తున్న ఈ సినిమా వేగంగా షూటింగ్ జరుపుకుంటోంది. డైరక్టర్ సురేందర్ రెడ్డి దర్శకత్వంలో రూపుదిద్దుకుంటున్న ఈ సినిమాలో బిగ్ బీ అమితాబ్ బచ్చన్, జగపతి బాబు, కిచ్చ సుదీప్, విజయ్ సేతు పతిలు కీలక పాత్రలను పోషిస్తున్నారు. అలాగే మరో ముఖ్య పాత్రలో మిల్కీ బ్యూటీ తమన్నా నటిస్తున్న సంగతి తెలిసిందే. అంతేకాదు ముగ్గురు భామలు చిరు పక్కన రొమాన్స్ చేయనున్నారు. ప్రధాన హీరోయిన్ గా సైరాకి మొదటి భార్యగా నయనతార నటిస్తోంది.

రెండో భార్య గా హ్యూమా ఖురేషి, మూడో భార్యగా ప్రగ్యా జైస్వాల్‌ కనిపించనున్నారు. భారీ బడ్జెట్, భారీ తారాగణంతో తెరకెక్కుతోన్న సినిమాపై అంచనాలు కూడా అంతే స్థాయిలో ఉన్నాయి. ఈ చిత్రానికి సంబంధించిన టీజర్ ని మెగాస్టార్ పుట్టిన రోజు (ఆగష్టు 22 )న రిలీజ్ చేస్తారని అనుకున్నారు. కానీ అభిమానులు ఊహించిన విధంగా మెగాస్టార్ పుట్టిన రోజున కాకుండా ఒక రోజు ముందే అంటే ఆగష్టు 21 మంగళవారం ఉదయం 11.30 ఈ చిత్రం టీజర్ ని రిలీజ్ చేస్తునట్టు తెలిసింది. సో మెగా ఫ్యాన్స్ కి ఒక రోజు ముందుగానే పండుగ రానున్నదన్నమాట.