ఒక్కోసారి స్టార్ హీరోల సినిమాలకి సైతం పోటీగా ఏదో ఒక చిన్న సినిమానో లేక మరో యంగ్ హీరో సినిమానో విడుదలవుతుంటుంది. కానీ.. తాప్సీ నటించిన “బద్లా” నేడు విడుదలవుతుంటే.. ఆ సినిమాతో పోటీగా మరో హిందీ సినిమా కాదు కదా కనీసం తెలుగు సినిమా కూడా విడుదలవ్వలేదు. “ది ఇన్విజిబుల్ గెస్ట్” అనే ఫారిన్ మూవీకి రీమేక్ గా రూపొందిన ఈ చిత్రానికి “కహానీ’ ఫేమ్ సుజయ్ ఘోష్ దర్శకుడు. మర్డర్ మిస్టరీ నేపధ్యంలో తెరకెక్కిన ఈ చిత్రం నేడు విడుదలై అద్భుతమైన రివ్యూస్ అందుకొంది. బాలీవుడ్ నుంచి వచ్చిన బెస్ట్ థ్రిల్లర్ అని క్రిటిక్స్ తోపాటు ఆడియన్స్ కూడా సినిమాపై ప్రశంసల వర్షం కురిపిస్తున్నారు.
దాంతో సినిమాలో కీలకపాత్రధారి అమితాబ్ బచ్చన్ అయినప్పటికీ.. నెగిటివ్ షేడ్స్ ఉన్న రోల్ ప్లే చేసిన తాప్సీ ఖాతాలోకే సినిమా సక్సెస్ క్రెడిట్ చేరింది. ఇది గమనించినవారంతా తాప్సీ లక్ మామూలుగా లేదని, అమ్మడు ఇదే స్పీడ్ తో కొనసాగితే హ్యాపీగా బాలీవుడ్ లో టాప్ హీరోయిన్ గా సెటిల్ అయిపోవచ్చని విశ్లేషిస్తున్నారు.
Home