పెళ్లి ముందా? ప్రెగ్నెన్సీ ముందా? ఈ కాంట్రవర్శీ క్వశ్చన్‌ మనకెందుకు అనుకుంటున్నారా? ఈ ప్రశ్న మనం వేస్తేనే కాంట్రవర్శీ అనుకుంటున్నారు కదా.. ఇదే ప్రశ్నను బాలీవుడ్‌లో కాంట్రవర్శీ విషయాలను డిస్కస్‌ చేసే తాప్సి అంటే… ఇంకెంత కాంట్రవర్శీ అవుతుందో చెప్పండి. అంటే కాదు అనేసింది కూడా. దీంతో బాలీవుడ్‌ వర్గాల్లో పెద్ద ఎత్తున చర్చ జరుగుతోంది. ఆమె ఆ నటిని అంది అంటే, కాదు ఈ నటిని అంది అంటూ ఎవరి లెక్కలేసుకుంటున్నారు నెటిజన్లు.
అయితే ఈ నేపథ్యంలో ఎవరు రియాక్ట్‌ అవుతారు, ఎవరి ఫ్యాన్స్‌ కౌంటర్లు ఇస్తారు అనేది ఆసక్తికరంగా మారింది. చాలాకాలం తర్వాత సోషల్‌ మీడియాలో అభిమానులతో ఛాటింగ్‌ చేసింది తాప్సి. ‘డంకీ’, ‘ఏలియన్‌’ సినిమాలతో బిజీగా ఉన్నా… పలువురు నెటిజన్లు అడిగిన ప్రశ్నలకు సరదాగా బదులిచ్చింది. ఈ క్రమంలో తన పెళ్లిపై వ్యంగ్యంగా సమాధానమిచ్చింది. ఆ వ్యాఖ్యలే ఇప్పుడు వైరల్‌గా మారాయి. అంతేకాదు ఎవరిని ఉద్దేశించి ఈ మాటలు అంది అంటూ మరో చర్చ కూడా మొదలైంది.
అంతలా ఆమె (Taapsee Pannu) ఏమంది అని అనుకుంటున్నారా? ‘‘నేనింకా ప్రెగ్నెంట్‌ కాలేదు. కాబట్టి, అతి త్వరలో పెళ్లి చేసుకునే ఆలోచన లేదు’’ అని అంది తాప్సి. ప్రస్తుతం టాలీవుడ్‌లో ఈ ట్రెండ్‌ మెల్లగా మొదలైంది అని చెప్పాలి. పెళ్లి అయిన కొద్ది నెలలకే ఆలియా భట్‌ గర్భవతి అయ్యింది. దీంతో పెళ్లికి ముందే గర్భవతి అని తెలిసింది. ఇప్పుడు ఇలియానా కూడా ఇలానే పెళ్లి కాకుండానే గర్భవతి అయింది. వీళ్లు కొంతమంది మాత్రమే.
అంతేకాదు ఇదేమీ ఇప్పటి ట్రెండ్‌ కాదు.. ఎన్నో ఏళ్లుగా బాలీవుడ్‌లో ఇలాంటివి జరుగుతున్నాయి. దీంతో ఇప్పుడు తాప్సి ఎవరిని ఉద్దేశించి ఈ మాటలు అనింది అనే విషయంలో స్పష్టత రావాల్సి ఉంది. లేకపోతే ఏ హీరోయిన్‌ ఫ్యాన్స్‌ ఇప్పుడు తాప్సిని కౌంటర్‌ ఎటాక్‌ చేస్తారో చూడాలి. లేక ఆమె అలానే అంటుంది అని వదిలేస్తారో ఏమో చూడాలి.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
