సౌత్ లో హీరోయిన్ గా ఎన్నో సినిమాలు చేసిన తాప్సీ కొన్నాళ్లక్రితం బాలీవుడ్ కి చెక్కేసింది. అక్కడ ఈమెకి లేడీ ఓరియెంటెడ్ సినిమాలు, మంచి కాన్సెప్ట్ ఉన్న కథలు ఆఫర్ రావడంతో బాలీవుడ్ లోనే సినిమాలు చేసుకుంటూ బిజీ అయింది. ఈ క్రమంలో ఆమె ఎన్నో హిట్లు కూడా అందుకుంది. ప్రస్తుతం ఏడాదికి ఆరేడు సినిమాలు చేస్తూ ఏ హీరోయిన్ లేనంత బిజీగా గడుపుతోంది తాప్సీ. కొత్త కాన్సెప్ట్ లు,
ప్రయోగాలు అంటే ముందుండే తాప్సీ ఇప్పుడు మరో డిఫరెంట్ కాన్సెప్ట్ తో తెరకెక్కుతోన్న సినిమాకి గ్రీన్ సిగ్నల్ ఇచ్చినట్లు తెలుస్తోంది. తమిళ దర్శకుడు భరత్ నీలకంఠన్ రెండేళ్ల క్రితం ‘కే 13’ అనే సినిమా ద్వారా పరిచయమయ్యాడు. తాజాగా ఆయన ఓ సైన్స్ ఫిక్షన్ కథను రాసుకున్నాడట. ఇందులో ఏలియన్స్ కాన్సెప్ట్ కూడా ఉందని సమాచారం. ఈ గ్రహాంతర వాసుల కథ వినగానే తాప్సీ మరో ఆలోచన లేకుండా ఒప్పుకుందట.
ఈ సినిమాను పలు భాషల్లో విడుదల చేయడానికి ప్లాన్ చేస్తున్నారు. భారీ బడ్జెట్ తో రూపొందించనున్న ఏ సినిమాలో స్పెషల్ ఎఫేఏక్ట్స్ అవసరం ఎక్కువగా ఉన్నప్పటికీ భారతీయ సాంకేతిక నిపుణులనే తీసుకోవాలని అనుకుంటున్నారట. ఒక్క విజువల్ ఎఫెక్ట్స్ కోసమే పది కోట్ల వరకు ఖర్చవుతుందని అంచనా. త్వరలోనే ఈ పాన్ ఇండియా సినిమాను మొదలుపెట్టనున్నారు.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
