Rajashekhar: ఠాగూర్ సినిమా నాదే కానీ.. ఏం జరిగింది అంటే: హీరో రాజశేఖర్

ఒకప్పుడు తెలుగు సినిమాలలో పవర్ ఫుల్ యాక్షన్ రోల్స్ కి కేరాఫ్ అడ్రెస్ హీరో రాజశేఖర్ (Rajashekhar). వాస్తవానికి తమిళ్ వాడైనా కూడా, హీరో రాజశేఖర్ తెలుగులో విభిన్నమైన పాత్రలతో తనకంటూ ప్రత్యేక గుర్తింపు సంపాదించుకున్నాడు. ముఖ్యంగా కుటుంబ కథ చిత్రాలు, పవర్ ఫుల్ యాక్షన్ ఎంటర్టైనర్స్ తో సినీ ప్రేక్షకులను అలరించాడు. అయితే రీసెంట్ గా ఒక ఇంటర్వ్యూలో పాల్గొన్న రాజశేఖర్ ‘ఠాగూర్’ సినిమా గురించి చేసిన కామెంట్స్ ఇప్పుడు వైరల్ గా మారాయి.

 Rajashekhar

ఇక విషయమేంటంటే.. 2003లో చిరంజీవి (Chiranjeevi) హీరోగా మాస్ డైరెక్టర్ వి.వి. వినాయక్ దర్శకత్వంలో తెరకెక్కిన బ్లాక్ బస్టర్ మూవీ ‘ఠాగూర్’. ఈ మూవీలో శ్రేయ శరన్ చిరంజీవి సరసన హీరోయిన్ గా నటించిన సంగతి తెల్సిందే. అయితే ఈ సినిమా మొదటగా తమిళ్ లో దర్శకుడు ఏ ఆర్ మురుగదాస్ దర్శకత్వంలో రూపొందగా, అక్కడ రిలీజై ఘన విజయం సాధించింది. ఈ సినిమా హక్కులను హీరో రాజశేఖర్ (Rajashekhar) అడ్వాన్స్ ఇచ్చి బుక్ చేసుకోగా, తన స్నేహితుడే అని అగ్రిమెంట్ చేసుకోలేదట. ఆ తరువాత నిర్మాత ఠాగూర్ మధు ఎక్కువ మొత్తంలో డబ్బు కట్టి సినిమా హక్కులను దక్కించుకోగా, ఆ సినిమాను మెగాస్టార్ చిరంజీవి హీరోగా తెరకెక్కటం, ప్రేక్షకుల మన్ననలు పొందటం జరిగింది.

దీన్ని బట్టి చూస్తే, సినిమా ఇండస్ట్రీలో ఏ సినిమా ఎవరి చేతుల్లోకి వెళ్తుందో, ఎవరికీ హిట్ పడుతుందో ఏమో కొన్ని సార్లు కాలమే నిర్ణయిస్తుంది అనటానికి ఇదే ఒక ఉదాహరణ.

https://www.youtube.com/watch?v=wnKKqOwIEvw&t=301s

NTR: ఎన్టీఆర్ కథ విజయ్ వద్దకి.. వాస్తవం ఏంటి?