మంచు మనోజ్ హీరోగా దశరథ్ డైరెక్షన్లో 2005 లో వచ్చిన ‘శ్రీ’ చిత్రంతో టాలీవుడ్ కు పరిచయమైంది తమన్నా. కానీ 2007 లో వచ్చిన శేఖర్ కమ్ముల ‘హ్యాపీ డేస్’ చిత్రంతోనే మంచి క్రేజ్ సంపాదించుకుంది. అంటే ఈమె ఇండస్ట్రీకి ఎంట్రీ ఇచ్చి 15 ఏళ్ళవుతుంది. ఇప్పటికే టాలీవుడ్ స్టార్ హీరోలందరి సరసన నటించేసింది. కాలీవుడ్ లో కూడా స్టార్ హీరోల సరసన సినిమాలు చేసింది. బాలీవుడ్ ఎంట్రీ కూడా ఇచ్చింది కానీ అక్కడ ఈమెకు కలిసి రాలేదు. ఇక కొత్త హీరోయిన్లు ఎంట్రీ ఇస్తున్నా ఈమె క్రేజ్ మాత్రం తగ్గడం లేదు. ఓ పక్క మెగాస్టార్ చిరంజీవి, విక్టరీ వెంకటేష్ వంటి సీనియర్ స్టార్ హీరోల సినిమాల్లో నటిస్తూనే మరోపక్క కథా ప్రాధాన్యత ఉన్న పాత్రలు చేస్తూ ముందుకు సాగుతుంది.
తమన్నా ప్రస్తుతం గోపీచంద్ హీరోగా సంపత్ నంది డైరెక్షన్లో తెరకెక్కుతోన్న ‘సీటిమార్’ చిత్రంలో నటిస్తుంది. ఈ చిత్రంలో ఈమె ఫిమేల్ కబడ్డీ కోచ్ గా కనిపించబోతుంది. అంతేకాదు ఈ చిత్రంలో ఈమె తెలంగాణ అమ్మాయిగా కనిపించబోతుందట. ఇందుకోసం ప్రత్యేకంగా ఈమె తెలంగాణ స్లాంగ్ ను కూడా నేర్చుకుంటుందట. అందుకు ఓ టైనర్ ను కూడా పెట్టుకుందట. శేఖర్ కమ్ముల ‘ఫిదా’ సినిమాకి కూడా హీరోయిన్ సాయి పల్లవి ఇలాగే ఓ ట్రైనర్ ను పెట్టుకుని.. ఆ సినిమాలో తెలంగాణ స్లాంగ్ తో ఇరకొట్టింది. ఇప్పుడు తమన్నా కూడా అలాగే చేస్తుంది. మరి సాయి పల్లవి రేంజ్లో మెప్పిస్తుందా లేదా అనేది చూడాలి..!
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
