అవకాశాల కోసం పక్కలో పడుకోవాల్సిన అవసరం లేదు

ఆ దర్శకుడు నన్ను అవకాశం కోసం రూమ్ లో బట్టలిప్పమన్నాడు, ఫలానా నిర్మాత నన్ను అవకాశం ఇస్తాను అని చెప్పి గెస్ట్ హౌస్ కి రమ్మన్నాడు, సదరు కథానాయకుడు నన్ను సెట్స్ లో అసభ్యంగా తాకాడు అని ఆనాటి స్టార్ హీరోయిన్లు మొదలుకొని నేటితరం యువ కథానాయికల వరకూ అందరూ “మీ టూ” మూమెంట్ పేరుతో గగ్గోల చేస్తుంటే.. మిల్క్ వైట్ బ్యూటీ తమన్నా మాత్రం చాలా సింపుల్ గా ఇండస్ట్రీలో అలాంటిది ఏమీ లేదు. నేను ఇప్పటివరకూ అలాంటి ఇబ్బంది ఎదుర్కొలేదు అని తేల్చి చెప్పేసింది. ఇటీవల ఓ ప్రముఖ మీడియా సంస్థకు ఇంటర్వ్యూ ఇస్తూ.. “మీరు క్యాస్టింగ్ కౌచ్ సమస్యను ఎదుర్కొన్నారా అని అడిగినప్పుడు.. “ఇండస్ట్రీలో కోట్లుపెట్టి సినిమాలు తీస్తుంటారు, సినిమాలు తీయడానికే టైమ్ సరిపోవడం లేదు, అలాంటప్పుడు ఇలాంటి చీప్ బిహేవియర్ కి టైమ్ ఎక్కడ ఉంటుంది” అని చెప్పడం ఇప్పుడు చర్చనీయాంశంగా మారింది.

తాను సమస్యలు ఎదుర్కొలేదని తమన్నా చెప్పడం వరకు బాగానే ఉంది కానీ.. కొన్ని వందలమంది క్యాస్టింగ్ కౌచ్ కారణంగా సమస్యలు ఎదుర్కొంటున్నాం అని ముక్తకంఠంతో మొత్తుకుంటున్న తరుణంలో ఈ విధంగా తమన్నా కామెంట్ చేయడం అనేది సరికాదు. మరి ఈ విషయంలో తమన్నా మళ్ళీ రెస్పాండ్ అవుతుందో లేదో చూడాలి.