Tamanna, Chiranjeevi: మెగాస్టార్ మూవిలో విలన్ గా మిల్కీ బ్యూటీ

మెగాస్టార్ చిరంజీవి ప్రస్తుతం యంగ్ హీరోలకు ఏ మాత్రం తీసిపోని విధంగా ఒకదాని వెంట మరొకటి సినిమాలు ఎంచుకుంటూ కొనసాగుతున్నారు. ప్రస్తుతం కొరటాల శివ దర్శకత్వంలో ఆచార్య సినిమా చేస్తున్నారు మెగాస్టార్. ఇక తన కెరీర్ లో తొలిసారిగా కొడుకు రామ్ చరణ్ తో కలిసి ఇందులో నటిస్తున్న మెగాస్టార్ ఈ మూవీతో భారీ సక్సెస్ కొట్టడం ఖాయం అని ఇన్నర్ వర్గాల టాక్. కాజల్ అగర్వాల్, పూజా హెగ్డే హీరోయిన్స్ గా యాక్ట్ చేస్తున్న ఈ సినిమాకి మణిశర్మ సంగీతం అందిస్తుండగా రామ్ చరణ్, నిరంజన్ రెడ్డి దీన్ని నిర్మిస్తున్నారు.

అయితే ఈ మూవీ తరువాత మోహన్ రాజా దర్శకత్వంలో 153వ మూవీగా లూసిఫర్ తెలుగు రిమేక్ లో యాక్ట్ చేయనున్న మెగాస్టార్, దాని రెగ్యులర్ షూట్ ని త్వరలో ప్రారంభించనున్నారు. సూపర్ గుడ్ ఫిలిమ్స్, కొణిదెల ప్రొడక్షన్ కంపెనీ సంస్థలు దీనిని నిర్మించనున్నాయి. అయితే ఈ మూవీ తరువాత 154వ సినిమాగా యువ దర్శకుడు బాబీ దర్శకత్వంలో ఒక భారీ యాక్షన్ తో కూడిన కమర్షియల్ సినిమా చేయనున్నారు. మైత్రి మూవీ మేకర్స్ సంస్థ నిర్మించనున్న ఈ సినిమాలో చాలా ఏళ్ళ తరువాత మెగాస్టార్ ఒక పవర్ఫుల్ పోలీస్ ఆఫీసర్ గా కనిపించనున్నారు అనే ప్రచారం జరుగుతోంది.

రాక్ స్టార్ దేవిశ్రీప్రసాద్ సంగీతం అందించనున్న ఈ సినిమాలో మిల్కీ బ్యూటీ తమన్నా పూర్తి స్థాయి నెగటివ్ పాత్రలో కనిపించనున్నారు అనేది లేటెస్ట్ ఫిలిం నగర్ వర్గాల సమాచారం. విలన్ భార్యగా ఆమె కూడా లేడీ విలన్ రోల్ చేయనున్నారని, తప్పకుండా ఈ రోల్ తమన్నా కేరీర్ లో బెస్ట్ గా నిలుస్తుందని అంటున్నారు. మెగాస్టార్ బర్త్ డే రోజున ఈ మూవీ అఫీషియల్ టైటిల్ తో పాటు ఇతర వివరాలు వెల్లడి కానున్నట్లు తెలుస్తోంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!