హాట్ టాపిక్ గా మారిన తమన్నా రెమ్యూనరేషన్..గట్టిగానే అందుకుంటుందిగా..!

పూజా హెగ్డే, రష్మిక మందన, కీర్తి సురేష్, సాయి పల్లవి.. వంటి హీరోయిన్ల హవా ఎక్కువవుతున్న ఈ తరుణంలో.. మొన్నటివరకూ వరుస ఆఫర్లతో దూసుకుపోయిన స్టార్ హీరోయిన్లు తమన్నా, రకుల్ వంటి వారికి డిమాండ్ కాస్త తగ్గినట్టు వార్తలు వినిపించాయి. అయితే వీరిలో తమన్నా మాత్రం .. చాలా తెలివిగా అవకాశాలను రాబట్టుకుంటూ ఇంకా టాప్ పొజిషన్లో కొనసాగే ప్రయత్నాలు చేస్తుంది. గతేడాది ‘ఎఫ్2’ ‘సైరా నరసింహారెడ్డి’ వంటి చిత్రాల్లో కథా ప్రాధాన్యత కలిగిన పాత్రలను చేసి మెప్పించింది తమన్నా.

ఇప్పుడు కూడా ‘సీటీమార్’ ‘ఎఫ్3’, ‘గుర్తుందా శీతాకాలం’ వంటి క్రేజీ ప్రాజెక్టులలో నటిస్తుంది తమన్నా. వీటితో పాటు నితిన్ నటిస్తున్న ‘అంధాదున్’ రీమేక్ లో కూడా నటించే అవకాశం దక్కించుకుంది తమన్నా. బాలీవుడ్లో సూపర్ హిట్ అయిన ‘అంధాదున్’ చిత్రాన్ని తెలుగులో నితిన్ హీరోగా రీమేక్ అవుతున్న సంగతి తెలిసిందే. అక్కడ టబు పోషించిన నెగిటివ్ షేడ్స్ కలిగిన పాత్రను ఇక్కడ తమన్నా పోషించనుంది. ఇక రాధిక ఆప్టే పాత్రలో నభా నటేష్ కనిపించనుంది.

మేర్లపాక గాంధీ ఈ చిత్రానికి దర్శకుడు. ఇదిలా ఉండగా.. ఈ చిత్రంలో నెగిటివ్ రోల్ పోషించబోతున్న తమన్నా.. పారితోషికంగా ఏకంగా 2కోట్లు డిమాండ్ చేసిందట. అయితే దర్శకనిర్మాతలతో భేరసారాలు జరిపడం పూర్తయ్యాక తమన్నా 1.5 కోట్లకు ఓకే చెప్పేసినట్టు సమాచారం. ఓ రకంగా చెప్పాలంటే.. తమన్నాని నెక్స్ట్ లెవెల్ కు తీసుకువెళ్లే పాత్ర ఇదని చెప్పొచ్చు. అందుకే తమన్నా ఈ పాత్ర చెయ్యడానికి గ్రీన్ సిగ్నల్ ఇచ్చినట్టు సమాచారం.

Most Recommended Video

బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!