టాలీవుడ్ లో స్టార్ హీరోయిన్ గా చెలామణి అయిన తమన్నాకు మధ్యలో అవకాశాలు తగ్గాయి. కానీ ఇప్పుడు సినిమాలు, వెబ్ సిరీస్ అంటూ మరోసారి బిజీ అయింది. వచ్చే రెండు, మూడు నెలల్లో ఈ బ్యూటీ నటించిన నాలుగు సినిమాలు ప్రేక్షకుల ముందుకు రాబోతున్నాయి. గోపీచంద్ సరసన ఆమె నటించిన ‘సీటీమార్’ వచ్చే నెల థియేటర్లలోకి రానుంది. సెప్టెంబర్ 10న కానీ.. ఆ తరువాత వారం కానీ సినిమా విడుదల కానుంది.
అలానే నితిన్ నటించిన ‘మ్యాస్ట్రో’ సినిమాలో తమన్నా నెగెటివ్ షేడ్స్ ఉన్న క్యారెక్టర్ లో కనిపించనుంది. ఈ సినిమా నేరుగా హాట్ స్టార్ లో విడుదల కానుంది. డేట్ ఇంకా ఫిక్స్ చేయలేదు కానీ సెప్టెంబర్ చివర్లో కానీ అక్టోబర్ లో కానీ ఇది స్ట్రీమ్ అవుతుంది. ‘సీటీమార్’, ‘మ్యాస్ట్రో’ సినిమాలు వచ్చే రెండు నెలల్లోనే విడుదల కానున్నాయి. అలానే ఆమె నటించిన మరో సినిమా ‘గుర్తుందా శీతాకాలం’ నవంబర్ లో రానుంది. ఇందులో సత్యదేవ్ హీరోగా నటించాడు.
అలానే వరుణ్ తేజ్ హీరోగా నటిస్తోన్న ‘గని’ సినిమాలో తమన్నా స్పెషల్ సాంగ్ లో నటించింది. ఈ సినిమా దీపావళి కానుకగా ప్రేక్షకుల ముందుకు రానుంది. అంటే మొత్తం ఈ నాలుగు సినిమాలు కూడా డిసెంబర్ లోపే విడుదల కాబోతున్నాయి. ఇక ఆగస్టు లో ఆమె హోస్ట్ చేస్తోన్న టీవీ షో ‘మాస్టర్ చెఫ్’ కూడా జెమినీ టీవీలో ప్రసారం కానుంది. మొత్తానికి బ్యాక్ టు బ్యాక్ సినిమాలు, టీవీ షోతో ఫ్యాన్స్ ను అలరించడానికి సిద్ధమవుతోంది తమన్నా.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home