Tamannaah: బుల్లితెరపై స్టార్ హీరోయిన్ ఎంట్రీ!

ఒకప్పుడు టాలీవుడ్ స్టార్ హీరోయిన్ గా రాణించిన తమన్నాకు ఈ మధ్య కాలంలో సరైన అవకాశాలు రావడం లేదు. సినిమాల్లో నటిస్తున్నప్పటికీ అవన్నీ కూడా ఆమె రేంజ్ కి తగ్గ సినిమాలు కాదు. కెరీర్ ను బిజీగా ఉంచడం కోసం సినిమాలతో పాటు వెబ్ సిరీస్ లలో కూడా నటిస్తోంది. ఆమె నటించిన రెండు వెబ్ సిరీస్ లు ఇటీవల ప్రేక్షకుల ముందుకు వచ్చాయి. ఆ రెండూ కూడా వర్కవుట్ కాలేదు. తాజాగా ఈ బ్యూటీ ఓ టీవీ షో ఒప్పుకుందని సమాచారం.

స్టార్ ప్లస్ లో టెలికాస్ట్ అవుతోన్న ‘మాస్టర్ చెఫ్’ షోని ఇప్పుడు సౌత్ కి తీసుకొచ్చే ప్లాన్ చేస్తున్నారు. జెమినీ టీవీలో ప్రసారం కానున్న ఈ షోకి సంబంధించిన చిన్నపాటి వీడియోను కొన్ని రోజుల క్రితం ప్రసారం చేశారు. తెలుగుతో పాటు తమిళ, మలయాళ, కన్నడ భాషల్లో షోని ప్రసారం చేయనున్నారు. ఒక్కో భాషకు ఒక్కో హోస్ట్ ను ఫైనల్ చేస్తున్నారు. కన్నడలో కిచ్చా సుదీప్ ని హోస్ట్ గా ఫైనల్ చేసినట్లు తెలుస్తోంది.

దాదాపు అన్ని భాషల్లో స్టార్ హీరోలనే హోస్ట్ లుగా ఫిక్స్ చేస్తున్నారట. అయితే తెలుగులో మాత్రం తమన్నాను సంప్రదించినట్లు తెలుస్తోంది. దీనికోసం ఆమెకి భారీ మొత్తంలో రెమ్యునరేషన్ కూడా ఆఫర్ చేశారట. దీంతో తమన్నా ఈ షో చేయడానికి అంగీకరించినట్లు తెలుస్తోంది. వచ్చే నెల నుండి ఈ షోకి సంబంధించిన షూటింగ్ మొదలుకానుంది. ప్రస్తుతం తమన్నా నటించిన ‘సీటీమార్’ సినిమా విడుదలకు సిద్ధంగా ఉంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!