హీరోలందరూ కలిసి తాప్సీకి లైన్ క్లియర్ చేశారు…

మన హీరోలకి ముందు నుంచీ హీరోయిన్లంటే పైకి చెప్పకపోయినా ఎన్నలేని అభిమానమండి. ఎంత అభిమానం లేకపోతే సరిగ్గా హీరోయిన్ ను విలన్ రేప్ చేయడానికి ట్రై చేస్తున్నప్పుడే కిలోమీటర్ల ఆవల ఉన్న హీరో కూడా ఒక్క గెంతులో వచ్చేస్తాడు చెప్పండి. ఒక హీరోయిన్ పై ఒక్క హీరోకి ఆ ప్రేమ ఉంటేనే సదరు హీరోయిన్ సంతోషంగా ఉంటే.. ఒకే హీరోయిన్ పై ముగ్గురు హీరోలు ప్రేమ చూపిస్తే ఎలా ఉంటుంది ఊహించండి, ప్రస్తుతం డిల్లీ బ్యూటీ తాప్సీ ఆ ఆనందాన్ని ఆస్వాదిస్తుంది.

అసలు విషయం ఏంటంటే.. లాస్ట్ ఫ్రైడే ఒకరిమీద ఒకరు లాంగ్ వీకెండ్ కోసం పోటీపడి మరీ తమ తమ చిత్రాలను ఒకేరోజు 3 సినిమాలు విడుదల చేసిన హీరోలు, ఈవారం మొత్తం తాప్సీకే వదిలేశారు. తాప్సీ నటించిన “ఆనందో బ్రహ్మ” చిత్రం ఈ వారం సోలో రిలీజ్ అన్నమాట, కామెడీ సినిమా కావడంతో ఏమాత్రం బాగున్నా ఒక వారంలో పెట్టిన బడ్జెట్ రిటర్న్ అవకాశాలు పుష్కలంగా ఉన్నాయి. శ్రీనివాసరెడ్డి, వెన్నెలకిషోర్, షకలక శంకర్ లు ముఖ్యపాత్రలు పోషించిన ఈ చిత్రం ట్రైలర్, పోస్టర్స్ జనాల్లో క్రేజ్ తీసుకొచ్చాయి. మరి తాప్సీ మన తెలుగు హీరోలందరూ తన్నుకొని మరీ తెచ్చిచ్చిన ఈ సువర్ణావకాశాన్ని సరిగ్గా సద్వినియోగం చేసుకొంటుందా లేదా అనేది ఈ శుక్రవారం వరకూ వేచి చూసి తెలుసుకోవాల్సిన విషయం.

Also, do SUBSCRIBE to our YouTube channel to get latest Tollywood updates.