నందమూరి బాలకృష్ణలో మరో కోణాన్ని చూపించిన కార్యక్రమం ‘అన్‌స్టాపబుల్‌’. ‘ఏంటి.. బాలయ్య టాక్‌ షోనా’ అని అడిగిన వారికి.. పర్‌ఫెక్ట్‌ రిప్లై ఇచ్చాడు బాలయ్య. ఈ షో సక్సెస్‌ వెనుక మరొకరు కూడా ఉన్నారు. ఆమె ఎవరో కాదు.. బాలయ్య ఇంటి నుండి వచ్చిన వ్యక్తే. బాలకృష్ణ చిన్న కుమార్తె తేజస్విని. అవును.. ఆమె ఇన్‌పుట్స్‌ కూడా ఈ షో విజయానికి ఉపయోగపడ్డాయని చెబుతారు. ఆమె ఆ షోకు క్రియేటివ్‌ కన్సల్టెంట్‌.
ఆ షో ఇచ్చిన ఉత్సాహమో, అంతకుముందు అనుకున్నారో తెలియదు కానీ.. ఇప్పుడు నిర్మాణ రంగంలోకి వస్తున్నారని టాక్‌. బాలకృష్ణ పెద్ద కూతురు నారా బ్రాహ్మణి హెరిటేజ్‌ ఫుడ్స్‌ను విజయవంతంగా నడిపిస్తున్నారు. ఇప్పుడు రెండో కుమార్తె తేజస్విని సినిమా నిర్మాతగా మారతారు అనే టాక్‌ సినిమా ఇండస్ట్రీలో వినిపిస్తోంది. తండ్రి బాలకృష్ణ హీరోగా తేజస్విని ఓ సినిమాను నిర్మించాలనుకుంటున్నారట తేజస్విని. ప్రస్తుతం స్క్రిప్ట్‌ను, దర్శకుడిని వెతికే పనిలో ఉన్నారని టాక్‌.
అయితే స్క్రిప్ట్‌ రెడీగా ఉందని, దానికి తగ్గ దర్శకుడి కోసం చూస్తున్నారని టాక్‌ నడుస్తోంది. బాలకృష్ణతో సినిమా చేసి, ష్యూర్‌ షాట్‌ హిట్‌ కొట్టాలి అంటే.. బోయపాటి శ్రీను అయితే బెటర్‌ అని అంటుంటారు టాలీవుడ్‌లో. మరి తేజస్విని నిర్మాతగా తొలి సినిమాను ఆయన దర్శకత్వంలో చేస్తారేమో చూడాలి. ఎందుకంటే గోపీచంద్‌ మలినేని సినిమా తర్వాత బాలయ్య.. బోయపాటి శ్రీనుతోనే చేస్తారని టాక్‌ నడుస్తోంది.
అటు పాలిటిక్స్‌, ఇటు సినిమాలకు ఉపయోగపడేలా పొలిటికల్‌ బ్యాక్‌డ్రాప్‌లో కథను సిద్ధం చేయాలని బోయపాటికి ఇప్పటికే ఆదేశాలు వెళ్లాయని టాక్‌. 2024 ఎన్నికల కంటే ముందు ఈ సినిమాను రిలీజ్ చేసేలా ప్లాన్ చేస్తున్నారట. ఏకే ఎంటర్టైన్మెంట్స్ బ్యానర్‌లో ఈ సినిమా చేయాలని అనుకుంటున్నట్లు టాక్‌. 2023లో ఈ సినిమాను మొదలుపెట్టి.. 2024 వేసవిలో విడుదల చేసే అవకాశం ఉందట. మరి ఈ సినిమాకు ఓ నిర్మాతగా తేజస్విని వ్యవహరిస్తారో లేక సోలో ప్రొడ్యూసర్‌గా వస్తారో చూడాలి.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
