Anasuya: అనసూయలో ఈ కోణం కూడా ఉందా..?

June 25, 2021 / 02:00 PM ISTByFilmy Focus

Join Us

జబర్దస్త్ యాంకర్ అనసూయ గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. లక్షల సంఖ్యలో అభిమానులు ఉన్న అనసూయ కొన్నిసార్లు వివాదాల ద్వారా వార్తల్లో నిలిచారు. అయితే టాలెంట్ ఉన్న యాంకర్ కావడంతో అనసూయకు ఆఫర్లు పెరుగుతూనే ఉన్నాయి. అనసూయ ప్రధాన పాత్రలో తెరకెక్కిన సినిమాలు ఆశించిన స్థాయిలో సక్సెస్ కాకపొయినా మిగిలిన సినిమాలు మాత్రం బాక్సాఫీస్ దగ్గర హిట్ రిజల్ట్ ను సొంతం చేసుకుంటున్నాయి. ప్రస్తుతం సుకుమార్ దర్శకత్వంలో తెరకెక్కుతున్న పుష్ప సినిమాలో అనసూయ ముఖ్య పాత్రలో నటిస్తున్నారు.

అనసూయ పాత్ర కథను మలుపు తిప్పుతుందని పుష్ప రెండు భాగాలలో అనసూయ కనిపిస్తారని సమాచారం. అయితే అనసూయకు సంబంధించి నటుడు జీవన్ కుమార్ ఆసక్తికర విషయాలను వెల్లడించారు. కరోనా విజృంభిస్తున్న సమయంలో ఎంతోమందికి సహాయం చేసి వార్తల్లో నిలిచిన జీవన్ కుమార్ తనకు అనసూయ సపోర్ట్ కూడా ఉందని తెలిపారు. యాంకర్ అనసూయ సేవాతత్పరురాలు అని ఆమె తనకు చాలా అండగా నిలబడిందని జీవన్ కుమార్ వెల్లడించారు. అనసూయ ఏ విధంగా సహాయం చేశారనే సంగతి చెప్పకపోయినా అనసూయలోని సేవా గుణం గురించి జీవన్ చెప్పడంతో ఆమె ఫ్యాన్స్ పొంగిపోతున్నారు.

మరి కొందరు నెటిజన్లు అనసూయ ఇంత మంచి వ్యక్తా అని అనసూయ నిజస్వరూపం ఇదా అని సోషల్ మీడియాలో కామెంట్లు పెడుతుండటం గమనార్హం. అనసూయకు టాలీవుడ్ ఇండస్ట్రీతో పాటు ఇతర ఇండస్ట్రీల్లో కూడా సినిమా ఆఫర్లు వస్తున్నాయి. అనసూయ రెమ్యునరేషన్ కంటే గుర్తింపు తెచ్చిపెట్టే పాత్రలకే ప్రాధాన్యతనిస్తున్నారు.