ఆ విషయంలో మహిళలని చాలా ఇబ్బంది పెట్టాను : అజిత్

సౌత్ స్టార్ హీరోల సినిమాల్లో హీరోయిన్లకు ప్రాధాన్యత అంతంత మాత్రమే ఉంటుంది అనడంలో సందేహం లేదు. పాటలకి, రొమాంటిక్ సన్నివేశాలకి మాత్రమే హీరోయిన్స్ అన్నట్టు చాలా మంది ఇండస్ట్రీ పై సెటైర్లు వేసిన వాళ్ళు ఉన్నారు. ఇదిలా ఉండగా కోలీవుడ్ స్టార్ హీరో అజిత్ క్రేజ్ గురించి ప్రత్యేకంగా చెప్పనక్కర్లేదు. సమాజానికి ఉపయోగపడే.. లేదా మార్పు తెచ్చే చిత్రాలను కూడా అజిత్ చేస్తూ వచ్చాడు. అజిత్ కు లేడీ ఫ్యాన్ ఫాలోయింగ్ కూడా ఎక్కువే..! ఇక అజిత్ కు కూడా మహిళల పట్ల మంచి గౌరవం చూపిస్తుంటాడు.

• సాహో టీజర్ రివ్యూ కోసం ఇక్కడ క్లిక్ చెయ్యండి
• కైలాసపురం వెబ్ సిరీస్ రివ్యూ కోసం ఇక్కడ క్లిక్ చెయ్యండి

కానీ అజిత్ చేసిన మాస్ సినిమాల్లో మహిళ పాత్రలకు అంతగా ప్రాధాన్యత ఇవ్వటం కుదరదు. దీంతో మహిళలకి ప్రాధాన్యత ఉండే ‘పింక్’ రీమేక్ చిత్రంలో నటించి మెప్పించాడు. ఈ చిత్రం ప్రమోషన్ లో భాగంగా రిలీజ్ చేసిన టీజర్ ను విడుదల చేసారు. ఈ సందర్బంగా అజిత్ మాట్లాడుతూ.. “తనకు మహిళలంటే ఎంత గౌరవమో మరోసారి తెలియజేస్తూ వచ్చారు. నా కెరీర్ ఆరంభంలో మహిళల పాత్రల్ని ఇబ్బందిపెట్టే తరహా పాత్రలు చేశాను. ఆ తప్పుకు ఇప్పుడు బాధపడుతున్నాను. ఆ తప్పును సరిదిద్దుకుని, మహిళల్ని గౌరవించే పాత్రలో ఆదర్శంగా నిలవడానికే ఈ ‘నెర్కొండ పార్వై’ చిత్రం చేస్తున్నాను.

ఈ విధంగా తాను చేసిన పొరపాటుని ఒప్పుకుని దాన్ని సరిదిద్దుకునే ప్రయత్నం చేస్తుండటంతో అభిమానుల్లో ఆయన పై గౌరవం మరింతగా పెరిగింది.ఈ కామెంట్స్ తో సోషల్ మీడియాలో అజిత్ పై ప్రశంసలు కురిపిస్తున్నారు. ఇక ‘పింక్’ తమిళ రీమేక్ ‘నెర్కొండ పార్వై’ టీజర్ కు కూడా మంచి స్పందన లభించింది.