ఎన్టీఆర్ ఫ్యాన్స్ కోరిక మేరకు మరో సాంగ్ సిద్ధం చేసిన థమన్

త్రివిక్రమ్, థమన్ లపై ఎన్టీఆర్ అభిమానులు కోపంగా ఉన్నారు. ఎన్టీఆర్ తో చేస్తున్న అరవింద సమేత వీర రాఘవ సినిమాలో నాలుగు పాటలు మాత్రమే పెట్టడాన్ని, అదికూడా కథకనుగుణమైన పాటలను కంపోజ్ చేయించడాన్ని జీర్ణించుకులేకపోతున్నారు. ఎన్టీఆర్ డాన్స్ ఇరగదీస్తారు.. అతని డాన్స్ కోసం థియేటర్ కి వచ్చే అభిమానులు ఉన్నారు. అటువంటి అప్పుడు కనీసం మూడు పాటలైనా డాన్స్ కి ప్రాధాన్యం ఉండే పాటలు ఉండాలి. అరవిందలో మాత్రం ఒకటే ఉంది. ఇదే అభిమానులకు నచ్చడం లేదు. రాయలసీమ నేపథ్యంలో సినిమా అంటే ఆనందించిన వారు.. పాటలు విన్న తర్వాత సీమ మీద డాక్యుమెంటరీ తీస్తున్నారా? అంటూ విమర్శలు గుప్పిస్తున్నారు.

అభిమానుల స్పందన తెలుసుకున్న థమన్ మరో హుషారైన ట్యూన్ ని సిద్ధం చేసినట్లు తెలిసింది. ఇప్పుడు పోస్ట్ ప్రొడక్షన్ బిజీగా ఉన్న త్రివిక్రమ్.. సినిమాని సవ్యంగా రిలీజ్ చేసి ఆ తర్వాత ఈ పాట ని అందమైన ప్రాంతాల్లో షూట్ చేసి యాడ్ చేయాలని చూస్తున్నారు. సో, థమన్ ఐదో సాంగ్ తో ఫ్యాన్స్ కు ఎన్టీఆర్ ఫ్యాన్స్ కి సర్ప్రైజ్ చేయబోతున్నారు. ఈ పాట రొమాంటిక్ సాంగా? లేకుంటే ఐటెం సాంగా? అనేది ఇంకా క్లారిటీ రాలేదు. హారిక అండ్ హాసిని బ్యానర్లో రాధాకృష్ణ నిర్మిస్తున్న ఈ సినిమాపై భారీ అంచనాలున్నాయి.