Thandel Vs Game Changer: గేమ్ ఛేంజర్.. చైతూ ఎసరేట్టేలా ఉన్నాడు?

2025 సంక్రాంతి చాలా ప్రత్యేకంగా ఉండబోతున్నట్లు అర్థమవుతుంది. అసలైతే పొంగల్ భరిలో పెద్ద సినిమాగా మెగాస్టార్ చిరంజీవి (Chiranjeevi) విశ్వంభర (Vishwambhara) వస్తుంది అని అందరూ ఎంతో ఆశగా ఎదురుచూశారు. కానీ రామ్ చరణ్ గేమ్ ఛేంజర్ కోసం ఆ సినిమాను వాయిదా వేస్తున్నట్లుగా నిర్మాతలు స్వయంగా చెప్పారు. దీంతో అందరి ఫోకస్ గేమ్ ఛేంజర్ (Ram Charan) పై పడింది. ఇప్పటివరకు ఈ సినిమాపై సరైన బజ్ అయితే లేదు. దర్శకుడు శంకర్ (Shankar) ఫామ్ లో లేకపోవడంతో ఎలాంటి కలెక్షన్స్ వస్తాయో భయం కూడా డిస్ట్రిబ్యూటర్స్ లో ఉంది.

Thandel

ఎక్కువ స్థాయిలో నష్టాలు రాకూడదనే కారణం చేత ఈ సినిమాను సంక్రాంతికి విడుదల చేస్తున్నట్లుగా ఇండస్ట్రీలో బలమైన టాక్ అయితే వినిపిస్తోంది. ఇక సంక్రాంతి సీజన్ లో బాలకృష్ణ 109వ సినిమా కూడా గ్రాండ్ గా విడుదల కాబోతోంది. అంతేకాకుండా ఈ పోటీలో మరో రెండు చిన్న సినిమాలు కూడా రాబోతున్నాయి. ఇక అందరి ఫోకస్ ఎక్కువగా కంటెంట్ ఉన్న సినిమాలు పైనే ఉంటుంది.

ఇక ఇప్పుడు సంక్రాంతి ఫైట్ లో నాగచైతన్య (Naga Chaitanya) తండేల్ (Thandel )సినిమాను కూడా దింపబోతున్నట్లుగా తెలుస్తోంది. అసలైతే ఈ సినిమాను మొదట డిసెంబర్ లో విడుదల చేయాలని అనుకున్నారు. కానీ ఇప్పుడు ప్లాన్ చేంజ్ చేసినట్లు తెలుస్తోంది. చందు మొండేటి (Chandoo Mondeti) దర్శకత్వంలో తెరకెక్కుతున్న ఈ సినిమాపై ఇప్పటికే పాజిటివ్ బజ్ నెలకొంది. అసలే కార్తికేయ 2 (Karthikeya 2) సినిమాతో పాన్ ఇండియా లెవెల్లో సక్సెస్ అందుకొని చందు మంచి ఫామ్ లో ఉన్నాడు. కాబట్టి సంక్రాంతి సీజన్ లో ఈ కాంబినేషన్ కు మంచి బజ్ క్రియేట్ అయ్యే అవకాశం ఉంది.

ఇక శంకర్ మాత్రం ఇండియన్ 2 (Indian 2) సినిమాతో ఇటీవల ఊహించిన డిజాస్టర్ ఎదుర్కొన్నాడు. అంతే కాకుండా గేమ్ ఛేంజర్ పై ఫ్యాన్స్ లో కూడా సరైన బజ్ లేదు. విడుదల చేసిన సాంగ్ కూడా పెద్దగా ఇంపాక్ట్ అయితే క్రియేట్ చేయలేదు. కాబట్టి ఈ సంక్రాంతి క్లాష్ లో తండేల్ రిస్క్ చేయడానికి సిద్ధమైనట్లుగా తెలుస్తోంది. తండేల్ క్లిక్కయితే గేమ్ ఛేంజర్ వసూళ్ళపై ప్రభావం చూపే అవకాశం ఉంటుంది. మరి చర్చల ద్వారా తండేల్ ను సమ్మర్ కు షిఫ్ట్ చేస్తారో లేదో చూడాలి.’

 ‘అప్పుడో ఇప్పుడో ఎప్పుడో’ రిలీజ్..ను నిఖిల్ పట్టించుకోవడం లేదా? కారణం!