హీరోకి బ్రేకప్ చెప్పిన హీరోయిన్‌!

September 17, 2022 / 02:20 PM ISTByFilmy Focus

Join Us

కోలీవుడ్ లో యాంకర్ గా కెరీర్ మొదలుపెట్టిన వాణి భోజన్ ఆ తరువాత బుల్లితెరపై నటిగా ఎంట్రీ ఇచ్చింది. మెల్లగా సినిమాల్లో అవకాశాలు దక్కించుకుంది. ‘ఓ మై కడవులే’ సినిమాలో సెకండ్ హీరోయిన్ గా కనిపించింది. తొలి సినిమాతోనే నటిగా మంచి గుర్తింపు తెచ్చుకుంది. ఈ సినిమా హిట్ అవ్వడంతో వాణి భోజన్ కి పలు అవకాశాలు వచ్చాయి. ఇటీవల ‘తమిళ రాకర్స్’ అనే వెబ్ సిరీస్ లో కూడా కనిపించింది.

ఇండస్ట్రీలో ఎన్ని సినిమాలు చేసినా.. సోలో హీరోయిన్ గా మాత్రం నటించింది లేదు. కొన్నాళ్లుగా ఈ బ్యూటీ నటుడు జైతో సహజీవనం చేస్తుందని సమాచారం. ఈ మధ్యకాలంలో సహజీవనం అనేది నార్మల్ విషయం అయిపోయింది. ఇండస్ట్రీలోనే కాకుండా బయట కూడా ఇలాంటి రిలేషన్స్ ఉన్నాయి. నయనతార కూడా చాలా ఏళ్లు విఘ్నేష్ శివన్ తో సహజీవనం చేసిన తరువాతే పెళ్లి చేసుకుంది. అయితే వాణి భోజన్ కి మాత్రం తన రిలేషన్ ని పెళ్లి వరకు తీసుకెళ్లే ఆలోచన లేదని తెలుస్తోంది.

జైతో రిలేషన్ మొదలైన తరువాత వాణి భోజన్ లైఫ్ మొత్తం అతడి చేతుల్లోకి వెళ్లిపోయిందని.. దర్శకనిర్మాతలెవరూ కూడా వాణిని నేరుగా కలిసే ఛాన్స్ ఉండడం లేదని సోషల్ మీడియాలో ప్రచారం జరుగుతోంది. ఆమెకి సంబంధించిన ప్రతి నిర్ణయం జై తీసుకుంటున్నాడట. ఈ క్రమంలో ఆమె కొన్ని సినిమా అవకాశాలను పోగొట్టుకున్నట్లు తెలుస్తోంది.

ఇవి తట్టుకోలేకనే ఆమె జైకి బ్రేకప్ చెప్పిందని ఇండస్ట్రీలో టాక్స్ నడుస్తున్నాయి. మరి ఇందులో ఎంతవరకు నిజముందో తెలియాలంటే.. జై కానీ, వాణి కానీ స్పందించాల్సి ఉంటుంది. ఇదివరకు కూడా జై.. అంజలితో రిలేషన్ లో ఉన్నప్పుడు అతడిపై ఇలాంటి ప్రచారమే జరిగింది.