The Ghost: ది ఘోస్ట్ మూవీకి ఆ సీన్స్ హైలెట్ కానున్నాయా?

ప్రవీణ్ సత్తారు డైరెక్షన్ లో తెరకెక్కిన ది ఘోస్ట్ సినిమాపై ప్రేక్షకుల్లో భారీ స్థాయిలో అంచనాలు ఏర్పడ్డాయనే సంగతి తెలిసిందే. ఇప్పటికే ది ఘోస్ట్ మూవీ సెన్సార్ పూర్తి చేసుకోగా ఈ సినిమాకు సెన్సార్ సభ్యుల నుంచి యూ/ఏ సర్టిఫికెట్ రావడం గమనార్హం. సెన్సార్ సభ్యులు ఈ సినిమాను చూసి సినిమా చాలా బాగుందని అభిప్రాయం వ్యక్తం చేశారని ఇండస్ట్రీ వర్గాల్లో జోరుగా వినిపిస్తున్న సంగతి తెలిసిందే. సెన్సార్ సభ్యుల నుంచి అందుతున్న సమాచారం ప్రకారం

ది ఘోస్ట్ సినిమాలో ఇంటర్వెల్ కు ముందు సన్నివేశాలు, ఇంటర్వెల్ తర్వాత సన్నివేశాలు నెక్స్ట్ లెవెల్ లో ఉంటాయని బోగట్టా. ప్రేక్షకుల అంచనాలకు అందని విధంగా దర్శకుడు ఇంటర్వెల్ ట్విస్ట్ ను ప్లాన్ చేశారని సమాచారం. ఈ సినిమాలో ఏకంగా 12 యాక్షన్ సీన్లు ఉన్నాయని ఆ యాక్షన్ సీన్లు అన్ని వర్గాల ప్రేక్షకులను ఆకట్టుకునేలా ఉన్నాయని తెలుస్తోంది. ఈ సినిమాలో నాగార్జునకు జోడీగా సోనాల్ చౌహాన్ నటించడం గమనార్హం.

సినిమాలోని ఎమోషనల్ సీన్స్ ప్రేక్షకులను కట్టిపడేసేలా ఉన్నాయని ఇంటర్ పోల్ ఆఫీసర్ గా నాగార్జున పర్ఫామెన్స్ అన్ని వర్గాల ప్రేక్షకులను ఆకట్టుకునే విధంగా ఉండనుందని సమాచారం. నాగ్ కెరీర్ బెస్ట్ గా ది ఘోస్ట్ నిలుస్తుందని చెప్పడంలో ఏ మాత్రం సందేహం అవసరం లేదని కామెంట్లు వ్యక్తమవుతున్నాయి. భారీ బడ్జెట్ తో ఈ సినిమా తెరకెక్కగా ఈ మధ్య కాలంలో సోలో హీరోగా సరైన హిట్ లేని నాగ్ ఈ సినిమాతో ఆ లోటును కచ్చితంగా తీరుస్తారని ఫ్యాన్స్ అనుకుంటున్నారు.

గాడ్ ఫాదర్ సినిమా కూడా సెప్టెంబర్ 5వ తేదీనే విడుదలవుతున్నా ది ఘోస్ట్ సినిమా రిజల్ట్ పై ఉన్న కాన్ఫిడెన్స్ వల్ల నాగార్జున ఈ సినిమా రిలీజ్ డేట్ విషయంలో మార్పుకు ఆసక్తి చూపలేదు. కమర్షియల్ గా ది ఘోస్ట్ ఏ రేంజ్ హిట్ గా నిలుస్తుందో చూడాల్సి ఉంది.

కృష్ణ వృంద విహారి సినిమా రివ్యూ & రేటింగ్!

Most Recommended Video

అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!