The Paradise : నాని ది ప్యారడైజ్ చిత్రంలో న్యాచురాలిటీ కోసం యూనిట్ పడ్డ కష్టం అంతా ఇంతా కాదు !

నేచురల్ స్టార్ నాని మరోసారి ప్రత్యేకమైన కథతో ప్రేక్షకుల ముందుకు రావడానికి సిద్ధమవుతున్నారు. అసిస్టెంట్ డైరెక్టర్‌గా తన సినీ ప్రయాణాన్ని ప్రారంభించిన నాని, తరువాత క్యారెక్టర్ ఆర్టిస్ట్‌గా గుర్తింపు పొందుతూ, ‘అష్టాచమ్మా’ సినిమాతో హీరోగా పరిచయమయ్యారు. అప్పటి నుంచి వరుస విజయాలతో ముందుకు సాగుతూ టాలీవుడ్‌లో ప్రత్యేకమైన స్థానాన్ని సంపాదించుకున్నారు. ఇప్పుడు హీరోగా నటించడమే కాకుండా, నిర్మాతగా కూడా సినిమాలు రూపొందిస్తూ ఇండస్ట్రీలో బిజీగా మారిపోయారు.

The Paradise

ప్రస్తుతం నాని నటిస్తున్న తాజా చిత్రం ‘ది ప్యారడైజ్’. ఈ సినిమాకు యువ దర్శకుడు శ్రీకాంత్ ఓదెల దర్శకత్వం వహిస్తున్నారు. వీరిద్దరి కాంబినేషన్‌లో ఇప్పటికే వచ్చిన ‘దసరా’ మంచి విజయాన్ని సాధించిన సంగతి తెలిసిందే. ఆ విజయంతోనే ఈ కొత్త ప్రాజెక్ట్‌పై అభిమానుల్లో భారీ అంచనాలు నెలకొన్నాయి. మాస్ యాక్షన్ డ్రామా నేపథ్యంలో రూపొందుతున్న ఈ సినిమా ఆగస్టు 21న రిలీజ్ కు సిద్ధం చేస్తున్నారు మేకర్స్ . అంతేకాకుండా ఈ సినిమాను భారతీయ భాషలతో పాటు ఇంగ్లీష్ మరియు స్పానిష్ భాషల్లో కూడా విడుదల చేయాలని ప్లాన్ చేస్తున్నారు.

ఈ చిత్రానికి సంబంధించి చిత్రబృందం ఎంతో కష్టపడిందని తెలుస్తోంది. షూటింగ్ కోసం దాదాపు రెండున్నర ఎకరాల విస్తీర్ణంలో నిజమైన ఇళ్లతో కూడిన భారీ మురికివాడ సెట్‌ను నిర్మించినట్లు సమాచారం. సుమారు 60 ఇళ్లతో రూపొందించిన ఈ సెట్లో నాని పాత్రకు ప్రత్యేకంగా ఇల్లు కూడా నిర్మించారట. ఇంకా ఒక పాట చిత్రీకరణ కోసం ప్రత్యేకంగా నీటి కుంటను సృష్టించారని సమాచారం. దానికోసం దాదాపు 100 ట్యాంకర్ల నీటిని ఉపయోగించారని చెబుతున్నారు. ఇలా ప్రతి సన్నివేశం సహజంగా కనిపించేలా దర్శకుడు శ్రీకాంత్ ఓదెల ప్రత్యేక శ్రద్ధ తీసుకున్నారని సినీ వర్గాల్లో చర్చ జరుగుతోంది.

ఈ రేంజ్‌లో చేసిన ఏర్పాట్లు చూస్తే “ది ప్యారడైజ్” సినిమా ప్రేక్షకులకు కొత్త అనుభూతిని అందిస్తుందని అభిమానులు ఆశిస్తున్నారు. ఇంతటి భారీ అంచనాల నడుమ విడుదలవ్వబోతున్న ఈ చిత్రం ఎంతటి విజయాన్ని అందుకుంటుందో చూడాలి.

Toxic Movie : ‘టాక్సిక్’ విడుదలకు అసలు కారణం యుద్ధం కాదట..?