కొన్నిరోజుల క్రితం అజిత్ (Ajith) ప్రశాంత్ నీల్ (Prashanth Neel) కాంబినేషన్ గురించి సోషల్ మీడియా వేదికగా వార్తలు తెగ వైరల్ అయిన సంగతి తెలిసిందే. కొన్ని వెబ్ సైట్లలో ఏకంగా కేజీఎఫ్3 (KGF) సినిమాలో యశ్ కు (Yash) బదులుగా అజిత్ హీరోగా నటిస్తారని కూడా వార్తలు వినిపించాయి. అయితే ఇప్పటికే రెండు ప్రాజెక్ట్ లతో బిజీగా ఉన్న ప్రశాంత్ నీల్ తర్వాత ప్రాజెక్ట్స్ విషయంలో ఏ విధంగా ముందుకెళ్తాడని నెటిజన్లు అభిప్రాయపడ్డారు. ప్రశాంత్ నీల్ ఇప్పటికే ఓకే చెప్పిన సినిమాలను పూర్తి చేయాలంటే మరో ఆరేళ్ల సమయం పట్టే అవకాశాలు అయితే ఉన్నాయని చెప్పవచ్చు.
ప్రశాంత్ నీల్ తన సినిమాల స్క్రిప్ట్ వర్క్ కోసం కూడా ఎక్కువ సమయం తీసుకుంటారనే సంగతి తెలిసిందే. అజిత్ ప్రశాంత్ నీల్ కలవడం వాస్తవమే కానీ సినిమా కోసం కాదని ప్రశాంత్ నీల్ మేనేజర్ నుంచి స్పష్టత వచ్చింది. వీళ్లిద్దరి కాంబోలో భవిష్యత్తులో కూడా సినిమా వచ్చే ఛాన్స్ అయితే లేదని తెలుస్తోంది. మర్యాదపూర్వకంగా వీళ్లిద్దరూ కలిశారే తప్ప అంతకు మించి వీళ్లిద్దరూ కలవడానికి ఎలాంటి ప్రత్యేకమైన కారణం అయితే లేదని సమాచారం అందుతోంది.
ప్రశాంత్ నీల్ సైతం రాబోయే రోజుల్లో ఇందుకు సంబంధించి పూర్తిస్థాయిలో స్పష్టత ఇచ్చే అవకాశాలు అయితే ఉన్నాయి. ప్రశాంత్ నీల్ ప్రస్తుతం ఎన్టీఆర్ (Jr NTR) మూవీ స్క్రిప్ట్ పనులతో బిజీగా ఉన్నారని సమాచారం అందుతోంది. ఎన్టీఆర్ సినిమా పూర్తైన తర్వాతే సలార్2 తెరకెక్కనుందని ఇందుకు సంబంధించి ఎలాంటి సందేహం అయితే అక్కర్లేదని తెలుస్తోంది.
సలార్2 (Salaar) మూవీ, ఎన్టీఆర్ ప్రశాంత్ నీల్ మూవీ ఎప్పుడు విడుదలైనా బాక్సాఫీస్ ను షేక్ చేయడం పక్కా అని ఫ్యాన్స్ భావిస్తున్నారు. ప్రశాంత్ నీల్ భవిష్యత్తు ప్రాజెక్ట్ లు ఒకింత భారీ బడ్జెట్ తో తెరకెక్కుతున్నాయి. ఈ సినిమాలపై అంచనాలు అంతకంతకూ పెరుగుతున్నాయి.
