నందమూరి బాలకృష్ణ ప్రస్తుతం అనిల్ రావిపూడి దర్శకత్వంలో ‘భగవంత్ కేసరి’ అనే సినిమా చేస్తున్నాడు. టీజర్, ఒక పాట.. ప్రమోషన్లలో భాగంగా రిలీజ్ అయ్యి పాజిటివ్ రెస్పాన్స్ ను అందుకున్నాయి. అక్టోబర్ 19 న దసరా కానుకగా ఈ సినిమా రిలీజ్ కాబోతుంది. మరోపక్క బాలకృష్ణ… ‘వాల్తేరు వీరయ్య’ దర్శకుడు బాబీతో ఓ సినిమా చేయడానికి రెడీ అయ్యాడు. జూన్ 10 న బాలయ్య పుట్టినరోజు సందర్భంగా ఈ సినిమా పూజా కార్యక్రమాలతో లాంఛనంగా ప్రారంభమైంది.
‘సితార ఎంటర్‌టైన్‌మెంట్స్’ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తున్నారు. త్రివిక్రమ్ సొంత బ్యానర్ అయిన ‘ఫార్చ్యూన్ ఫోర్ సినిమాస్‌’ కూడా నిర్మాణ భాగస్వామిగా వ్యవహరిస్తున్నారు. అయితే ఈ సినిమా షూటింగ్ ఇంకా ప్రారంభం కాలేదు. ‘భగవంత్ కేసరి’ సినిమా విషయంలో తన పార్ట్ షూటింగ్ కంప్లీట్ చేశారు బాలయ్య. అయితే బాబీ (Bobby) సినిమాని ఆయన ఇంకా మొదలుపెట్టలేదు. దీనికి కారణాలు ఉన్నాయి.
ఓ వైపు తన బావ, టీడీపీ అధినేత అయిన చంద్రబాబు నాయుడు జైల్లో ఉన్నారు. మరోపక్క స్క్రిప్ట్ వర్క్ లో మార్పులు అలాగే ప్రీ ప్రొడక్షన్ వర్క్ కూడా కంప్లీట్ కాలేదు. సెప్టెంబర్ 21 న రెగ్యులర్ షూటింగ్ ప్రారంభమవుతుంది అని టీం చెప్పింది. లేదు అంటే సెప్టెంబర్ 27 నుండి ఈ సినిమా సెట్స్ పైకి వెళ్లొచ్చు. ఏది అన్నది త్వరలోనే చిత్ర బృందం అధికారిక ప్రకటన ద్వారా తెలియజేస్తుంది.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
