నిన్న జరిగిన ‘సీతా రామం’ ప్రీ రిలీజ్ వేడుకని చాలా సింపుల్ గా ఏర్పాటు చేశారు చిత్ర యూనిట్ సభ్యులు. కానీ గెస్ట్ గా పాన్ ఇండియా స్టార్ ప్రభాస్ రావడంతో ఇది బిగ్ ఈవెంట్ అయ్యింది. ఈ వేడుకలో సినిమా గొప్పతనం గురించి, థియేటర్ గొప్పతనం గురించి.. ప్రభాస్ చాలా సింపుల్ గా అదే టైంలో గొప్పగా చెప్పాడు. ప్రభాస్ నటిస్తున్న ‘ప్రాజెక్ట్ కె’ చిత్రాన్ని ‘వైజయంతీ మూవీస్’ ‘స్వప్న సినిమా’ బ్యానర్ల పై అశ్వినీదత్, స్వప్న దత్ లే నిర్మిస్తున్న సంగతి తెలిసిందే.
‘మహానటి’ దర్శకుడు నాగ్ అశ్విన్ ఈ చిత్రానికి దర్శకుడు కావడం విశేషం. ఇదిలా ఉండగా.. ‘సీతా రామం’ ప్రీ రిలీజ్ వేడుకకు ప్రభాస్ క్యాప్ పెట్టుకుని వచ్చాడు. ఈవెంట్ ముగిసేవరకు క్యాప్ తోనే కనిపించాడు. కళ్ళజోడు కూడా అస్సలు తీయలేదు. క్యాప్ తో ఉన్నప్పటికీ ప్రభాస్ లాంగ్ హెయిర్ కలిగి ఉన్నట్లు స్పష్టమవుతుంది. అయితే దీని వెనుక కారణం ఏంటి.. ? అనే చర్చలు మొదలయ్యాయి. ప్రభాస్ క్యాప్ తో ఈ వేడుకకు రావడం వెనుక ఓ కారణం ఉందనే టాక్ నడుస్తుంది.
అదేంటి అంటే ప్రభాస్ ప్రస్తుతం ‘సలార్’ తో పాటు ‘ఆది పురుష్’ సినిమాలో కూడా నటిస్తున్నాడు. ఈ చిత్రంలో ప్రభాస్ రఘురాం(రాముడు) పాత్రలో కనిపించబోతున్నాడు. అందుకోసం ప్రభాస్ లాంగ్ హెయిర్ తో కనిపించాల్సి ఉంది.షూటింగ్ దాదాపు పూర్తయినప్పటికీ ఇప్పటివరకు ‘ఆదిపురుష్’ నుండి ప్రభాస్ లుక్ కు సంబంధించి ఒక్క పోస్టర్ కూడా రిలీజ్ కాలేదు. అలాగే రాముని పాత్ర కోసం ప్రభాస్ లాంగ్ హెయిర్ తో కనిపించాలి. తన లుక్ రివీల్ కాకుండా ప్రభాస్ ఇలా క్యాప్ పెట్టుకుని వచ్చాడని స్పష్టమవుతుంది.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
