టాలీవుడ్ స్టార్ హీరోలలో వేగంగా సినిమాల్లో నటించడంతో పాటు ఆ సినిమాలను వేగంగా విడుదల చేస్తూ వెంకటేష్ విజయాలను అందుకుంటున్నారు. అయితే వెండితెరపై సందడి చేస్తున్న వెంకటేష్ బుల్లితెర షోలపై మాత్రం పెద్దగా ఆసక్తి చూపడం లేదు. పలువురు టాలీవుడ్ స్టార్ హీరోలు, హీరోయిన్లు ఇప్పటికే బుల్లితెరపై సత్తా చాటిన సంగతి తెలిసిందే. అయితే వెంకటేష్ కు గతంలో బిగ్ బాస్ హోస్ట్ గా, మీలో ఎవరు కోటీశ్వరుడు షో హోస్ట్ గా ఆఫర్లు వచ్చాయి.
వేర్వేరు కారణాల వల్ల ఆ ఆఫర్లను వెంకటేష్ సున్నితంగా రిజెక్ట్ చేశారని సమాచారం. సినిమాకు మించి రెమ్యునరేషన్ ఇస్తామని ఆఫర్ ఇచ్చినా వెంకటేష్ మాత్రం షోను హోస్ట్ చేయడానికి ఆసక్తి లేదని చెప్పారని తెలుస్తోంది. మాస్టర్ చెఫ్ తెలుగు కోసం షో నిర్వాహకులు వెంకటేష్ పేరును పరిశీలించినట్టు వార్తలు వచ్చాయి. అయితే వెంకీ బుల్లితెర ఆఫర్స్ ను రిజెక్ట్ చేయడానికి ముఖ్య కారణమే ఉందని సమాచారం. వెంకటేష్ ఒకవైపు సినిమాలతో బిజీగా ఉంటూనే మరోవైపు అధ్యాత్మిక చింతనకు సమయం కేటాయిస్తున్నారు.
సమయం లేకపోవడం వల్లే వెంకీ బుల్లితెర ఆఫర్లకు నో చెబుతున్నారని అంతకు మించి ప్రత్యేక కారణం లేదని ఇండస్ట్రీ వర్గాల్లో వినిపిస్తోంది. మరి భవిష్యత్తులోనైనా వెంకటేష్ బుల్లితెర ఆఫర్లకు గ్రీన్ సిగ్నల్ ఇస్తారేమో చూడాల్సి ఉంది. వెంకటేష్ నటించిన దృశ్యం2 సినిమా త్వరలో రిలీజ్ కానుండగా ఎఫ్3 సినిమా వచ్చే ఏడాది రిలీజ్ కానుంది. దృశ్యం2, ఎఫ్3 సినిమాలపై ప్రేక్షకుల్లో భారీ అంచనాలు నెలకొన్నాయి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
