టాలీవుడ్ మిడిల్ రేంజ్ హీరోలలో ఒకరైన నాగచైతన్య వరుస సినిమా ఆఫర్లతో బిజీగా ఉన్న సంగతి తెలిసిందే. ఏప్రిల్ నెలలో నాగచైతన్య నటిస్తున్న లవ్ స్టోరీ సినిమా విడుదల కానుండగా నాగచైతన్య నటిస్తున్న మరో సినిమా థ్యాంక్యూ కూడా ఈ ఏడాదే విడుదలయ్యే అవకాశాలు కనిపిస్తున్నాయి. ఈ సినిమాలతో పాటు నాగచైతన్య ఇంద్రగంటి మోహనకృష్ణ కాంబినేషన్ లో ఒక సినిమా పట్టాలెక్కనుందని కొన్ని నెలల క్రితం వార్తలు వచ్చాయి. మంచి అభిరుచి ఉన్న దర్శకుడిగా పేరు తెచ్చుకున్న ఇంద్రగంటి మోహనకృష్ణ గత సినిమా వీ బాక్సాఫీస్ దగ్గర డిజాస్టర్ గా నిలిచిన సంగతి తెలిసిందే.
ఈ ఫ్లాప్ వల్ల కాకపోయినా వేరే కారణం వల్ల చైతన్య ఇంద్రగంటి సినిమా ఆగిపోయినట్లు ఇండస్ట్రీ వర్గాల్లో జోరుగా ప్రచారం జరుగుతోంది. నాగార్జున హీరోగా సోగ్గాడే చిన్నినాయన సినిమాకు ప్రీక్వెల్ గా బంగార్రాజు సినిమా తెరకెక్కనుండగా ఈ సినిమాలో నాగచైతన్య కూడా కీలక పాత్రలో నటిస్తున్నారు. బంగార్రాజు సినిమాలో నటిస్తుండటంతో డేట్స్ సమస్య రావడం వల్ల చైతన్య ఇంద్రగంటికి హ్యాండ్ ఇచ్చారని ఇండస్ట్రీ వర్గాల్లో ప్రచారం జరుగుతోంది. అయితే ఈ సినిమా నిజంగా ఆగిపోయిందో లేదో తెలియాలంటే కొంతకాలం ఆగాల్సిందే.
సినిమా ఆగిపోయిందంటూ వైరల్ అవుతున్న వార్తలపై నాగచైతన్య లేదా ఇంద్రగంటి స్పందించి స్పష్టత ఇవ్వాల్సి ఉంది. మరోవైపు చైతన్య కెరీర్ ను పర్ఫెక్ట్ గా ప్లాన్ చేసుకుంటూ ఉండటం గమనార్హం. నాగచైతన్య నటిస్తున్న లవ్ స్టోరీ సినిమా ప్రీ రిలీజ్ బిజినెస్ విషయంలో కొత్త రికార్డులను క్రియేట్ చేస్తోంది. నిర్మాతలకు విడుదలకు కొన్ని వారాల ముందే భారీగా లాభాలు వచ్చాయి. వకీల్ సాబ్ విడుదలైన వారానికి విడుదల కాబోతున్న ఈ సినిమా ఎలాంటి ఫలితాన్ని అందుకుంటుందో చూడాల్సి ఉంది.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
