R Narayana Murthy: పీపుల్స్ స్టార్ ఆర్.నారాయణ మూర్తి అందుకే కమర్షియల్ సినిమాల్లో చేయరట..!

September 7, 2021 / 07:37 PM ISTByFilmy Focus

Join Us

R Narayana Murthy: పీపుల్స్ స్టార్ ఆర్.నారాయణ మూర్తి అందుకే కమర్షియల్ సినిమాల్లో చేయరట..!

ఎక్కువగా విప్లవం రేకెత్తించే సినిమాల్లోనే నటిస్తూ ఉంటారు ఆర్.నారాయణ మూర్తి అని అంతా అనుకుంటూ ఉంటారు. కానీ గతంలో ఆయన అన్ని రకాల సినిమాల్లోనూ నటించేవారు అన్న సంగతి బహుశా ఎక్కువ మందికి తెలిసుండదు. కళాతపస్వి కె విశ్వనాథ్ గారి దర్శకత్వంలో తెరకెక్కిన ‘నేరము శిక్ష’ అనే చిత్రం ద్వారా జూనియర్ ఆర్టిస్ట్ గా పరిచయమయ్యారు ఆర్.నారాయణ మూర్తి. అయితే ఆయనకి నటుడిగా మంచి గుర్తింపు తెచ్చిన చిత్రం మాత్రం ‘అర్ధరాత్రి స్వాతంత్య్రం’ అనే చెప్పాలి.అప్పట్లో చిరంజీవితో కలిసి ‘కోతల రాయుడు’ ‘ప్రాణం ఖరీదు’ వంటి సినిమాల్లో కూడా నటించారు ఆర్.నారాయణ మూర్తి.

దాసరి నారాయణ రావు గారి దర్శకత్వంలో తెరకెక్కిన ‘ఒరేయ్ రిక్షా’ మూవీలో హీరోగా నటించి ఘనవిజయాన్ని అందుకున్నారు ఆర్.నారాయణ మూర్తి. ఈ చిత్రంతో ఆయన పీపుల్స్ స్టార్ ఇమేజ్ ను సొంతం చేసుకున్నారు. ఇదిలా ఉండగా.. ఆర్.నారాయణ మూర్తికి ఉన్న ఇమేజ్ కారణంగా ఎన్నో హిట్ సినిమాల్లో ఈయనకి కీలక పాత్రల్లో నటించే అవకాశాలు వస్తున్నాయి. గతంలో చిరంజీవి నటించిన ‘హిట్లర్’ సినిమాలో దాసరి గారి పాత్రకి ఆర్.నారాయణ మూర్తినే అనుకున్నారు. అలాగే పూరి జగన్నాథ్ దర్శకత్వంలో తెరకెక్కిన ‘టెంపర్’ మూవీలో పోసాని క్యారెక్టర్ కు కూడా ముందు ఆయన్నే అనుకున్నారు.

ఇంకా ఎన్నో సినిమాల్లో ఈయన్ని నటింపజేయాలని చూడని దర్శకనిర్మాతలు లేరు. కానీ ఈయన కమర్షియల్ సినిమాల్లో నటించలేను అని తేల్చి చెప్పేసారు.ఆ సినిమాలకి అనుగుణంగా ఎక్కువ టేకులు తీసుకోవాలి. అంత టైం ఆయన పెట్టలేరట. అతనితో ‘శంకరాభరణం’ ‘ఒమర్ ముఖ్తార్’ వంటి సినిమాలు మాత్రమే చేయాలని.. అంటూ ఓ సందర్భంలో ఫన్నీగా చెప్పుకొచ్చారు ఆర్.నారాయణ మూర్తి.