Chiranjeevi, Venky Kudumula: ఆ ప్రాజెక్ట్ ను వదులుకున్న మెగాస్టార్.. అందుకేనా?

మెగాస్టార్ చిరంజీవి ప్రస్తుతం వరుస సినిమాలతో బిజీగా ఉన్న టాలీవుడ్ స్టార్ హీరోలలో ఒకరనే సంగతి తెలిసిందే. గాడ్ ఫాదర్ షూటింగ్ ను ఇప్పటికే పూర్తి చేసిన చిరంజీవి భోళా శంకర్, వాల్తేరు వీరయ్య సినిమాల షూటింగ్ లలో పాల్గొంటున్నారు. ఈ సినిమాలతో పాటు చిరంజీవి వెంకీ కుడుముల కాంబినేషన్ లో ఒక సినిమా ఫిక్స్ అయిన సంగతి తెలిసిందే. వెంకీ కుడుముల గత రెండు సినిమాలు హిట్లు కావడంతో మెగా ఫ్యాన్స్ ఈ సినిమా కోసం ఆసక్తిగా ఎదురుచూస్తున్నారు.

అయితే ఇండస్ట్రీలో జరుగుతున్న ప్రచారం ప్రకారం ఈ ప్రాజెక్ట్ సెట్స్ పైకి వెళ్లకుండానే క్యాన్సిల్ అయ్యే అవకాశాలు కనిపిస్తున్నాయి. వెంకీ కుడుముల చెప్పిన లైన్ చిరంజీవికి నచ్చినా కథ, కథనం పూర్తిస్థాయిలో మెప్పించకపోవడంతో చిరంజీవి ఈ ప్రాజెక్ట్ ను వదులుకున్నారని తెలుస్తోంది. ఆచార్య ఫ్లాప్ తర్వాత కొత్త ప్రాజెక్ట్ ల విషయంలో రిస్క్ చేయడానికి మెగాస్టార్ సిద్ధంగా లేరు. యంగ్ డైరెక్టర్లు తమ కథలతో చిరంజీవిని మెప్పించే విషయంలో విఫలమవుతున్నారని కామెంట్లు వినిపిస్తున్నాయి.

డీవీవీ దానయ్య నిర్మాతగా చిరంజీవి వెంకీ కుడుముల ప్రాజెక్ట్ తెరకెక్కాల్సి ఉండగా ఈ ప్రాజెక్ట్ నిజంగా ఆగిపోయిందో లేదో అతి త్వరలో క్లారిటీ వచ్చే ఛాన్స్ అయితే ఉంది. చిరంజీవి ప్రస్తుతం విదేశీ పర్యటనలో ఉండగా ఈ వార్తల గురించి మెగాస్టార్ స్పందించాలని ఫ్యాన్స్ కోరుకుంటున్నారు. ప్రస్తుతం చిరంజీవి ఒక్కో సినిమాకు 30 కోట్ల రూపాయల రేంజ్ లో రెమ్యునరేషన్ తీసుకుంటున్నారు. ఆచార్య సినిమా సక్సెస్ సాధించి ఉంటే మెగాస్టార్ రెమ్యునరేషన్ మరింత పెరిగేదని ఇండస్ట్రీ వర్గాలో వినిపిస్తోంది.

రీఎంట్రీలో కూడా చిరంజీవికి క్రేజ్ ఏ మాత్రం తగ్గకపోవడంతో అభిమానులు ఎంతగానో సంతోషిస్తున్నారు. సినిమాసినిమాకు మెగాస్టార్ ను అభిమానించే అభిమానుల సంఖ్య అంతకంతకూ పెరుగుతోంది. చిరంజీవి తర్వాత ప్రాజెక్ట్ లతో కూడా విజయాలను సొంతం చేసుకోవాలని ఆయన అభిమానులు కోరుకుంటున్నారు.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!