పవర్ స్టార్ పవన్ కళ్యాణ్ నటించిన భీమ్లా నాయక్ ఈ నెల 25వ తేదీన రిలీజ్ కావడం లేదని దాదాపుగా క్లారిటీ వచ్చేసినట్టేనని చెప్పవచ్చు. వరుణ్ తేజ్ హీరోగా తెరకెక్కిన గని మూవీ మేకర్స్ ఫిబ్రవరి 25వ తేదీనే తమ సినిమా రిలీజ్ కానుందని ప్రకటించడంతో ఏప్రిల్ 1వ తేదీన భీమ్లా నాయక్ రిలీజ్ కానుంది. ఏపీలోని థియేటర్లలో 100 శాతం ఆక్యుపెన్సీకి అనుమతులు రాకపోవడంతో భీమ్లా నాయక్ మూవీ వాయిదా పడిందని సమాచారం.
ఏపీలో 50 శాతం ఆక్యుపెన్సీతో భీమ్లా నాయక్ ను విడుదల చేస్తే నిర్మాతలు ఏపీ కలెక్షన్ల విషయంలో నష్టపోయే ఛాన్స్ ఉంది. అయితే తాజాగా పవన్ కళ్యాణ్ అమితాబ్ బచ్చన్ ను కలిశారు. ప్రాజెక్ట్ కె షూటింగ్ కోసం అమితాబ్ హైదరాబాద్ కు వచ్చారు. ప్రాజెక్ట్ కె మూవీ షూటింగ్ హైదరాబాద్ లోని రామోజీ ఫిల్మ్ సిటీలో జరుగుతుండగా అదే లొకేషన్ లో ఉండటంతో పవన్ ఆయనను కలిశారని సమాచారం.
పవన్ కళ్యాణ్ అమితాబ్ బచ్చన్ మధ్య సినిమాల గురించి చర్చ జరిగిందని బోగట్టా. ఇద్దరి మధ్య సరదాగా సంభాషణ జరిగిందని సమాచారం. సైరా నరసింహారెడ్డి మూవీ షూటింగ్ సమయంలో కూడా పవన్ అమితాబ్ ను కలిసిన సంగతి తెలిసిందే. పవన్ నటిస్తున్న భీమ్లా నాయక్ మూవీ చివరి షెడ్యూల్ ప్రస్తుతం రామోజీ ఫిల్మ్ సిటీలో జరుగుతోంది. గతంలో అమితాబ్ పవన్ ను ప్రశంసిస్తూ కామెంట్లు చేశారు. పవన్ తో మాట్లాడటం ద్వారా ఎన్నో విషయాలను నేర్చుకోవడం సాధ్యమవుతుందని ఆయన అన్నారు.
భవిష్యత్తులో పవన్ అమితాబ్ కాంబినేషన్ లో సినిమా వస్తుందేమో చూడాలి. 79 సంవత్సరాల వయస్సులో కూడా అమితాబ్ బచ్చన్ యాక్టివ్ గా ఉంటూ సినిమాల షూటింగ్ లో పాల్గొంటున్నారు. మరోవైపు పవన్ త్వరలో హరిహర వీరమల్లు సినిమా షూటింగ్ లో పాల్గొననున్నారు. పాన్ ఇండియా మూవీగా ఈ సినిమా తెరకెక్కుతోంది.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
