టాలీవుడ్ ఇండస్ట్రీలో క్యారెక్టర్ ఆర్టిస్ట్ గా నటి ప్రగతికి ప్రత్యేక గుర్తింపు ఉందనే సంగతి తెలిసిందే. ప్రగతి వర్కౌట్ వీడియోలు సోషల్ మీడియా వేదికగా తెగ వైరల్ అయ్యాయి. నేషనల్ పవర్ లిఫ్టింగ్ ఛాంపియన్ షిప్ లో ప్రగతి సత్తా చాటారనే సంగతి తెలిసిందే. ఈ నేపథ్యంలో ఆమె గతంలో పంచుకున్న పలు విషయాలు సోషల్ మీడియా వేదికగా తెగ వైరల్ అవుతుండటం గమనార్హం. మాది హైదరాబాద్ అని పదో తరగతి వరకు ఇక్కడే ఉన్నామని ఆమె అన్నారు.
ఆ తర్వాత చెన్నైకు షిఫ్ట్ అయ్యామని చిన్న వయస్సులోనే తండ్రిని కోల్పోవడం వల్ల ఎన్నో ఆర్థిక ఇబ్బందులు ఎదురయ్యాయని ఆమె తెలిపారు. ఆర్థికంగా అమ్మకు సాయం చేయాలని కెరీర్ తొలినాళ్లలో కార్టూన్ పాత్రలకు డబ్బింగ్ చెప్పడంతో పాటు మైసూర్ సిల్క్ ప్యాలెస్ షోరూమ్ కోసం మోడల్ గా కూడా పని చేశానని ఆమె తెలిపారు. వీట్టులే విశేషం నా తొలి మూవీ అని ఎనిమిది సినిమాల్లో హీరోయిన్ గా చేశానని ప్రగతి పేర్కొన్నారు.
ఒక సినిమాలో వాన పాట క్యాస్టూమ్ విషయంలో గొడవ జరిగిందని కోపంతో సెట్ నుంచి వెళ్లిపోయి ఆ తర్వాత రాజీ పడి షూట్ లో పాల్గొన్నానని ప్రగతి అన్నారు. పెండింగ్ షూట్ పూర్తి చేసే సమయంలో సెట్ లో వాళ్ల చూపులు బాధించాయని ప్రగతి తెలిపారు. పెళ్లి తర్వాత సినిమాల్లో ఆఫర్లు తగ్గాయని తమిళంలో పలు సీరియల్స్ లో నటించానని ఆమె అన్నారు. తన టాటూ గురించి సైతం ప్రగతి కీలక వ్యాఖ్యలు చేశారు.
నా చేతిపై ఉండే టాటూకు ప్రత్యేకమైన కారణం ఏమీ లేదని చిన్నతనంలో ఒక వ్యాక్సిన్ సెప్టిక్ అయ్యి మచ్చ పడిందని ఆమె తెలిపారు. అది కనిపించకుండా ఉండేందుకు టాటూ వేయించానని ప్రగతి పేర్కొన్నారు. ప్రగతి ప్రస్తుతం పలు సీరియల్స్ లో కూడా నటిస్తున్నారు. ప్రగతి కెరీర్ పరంగా మరిన్ని విజయాలను అందుకోవాలని ఫ్యాన్స్ భావిస్తున్నారు. ప్రగతి (Pragathi) రెమ్యునరేషన్ భారీ స్థాయిలోనే ఉందని తెలుస్తోంది.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
Home