వివాదాలకు కిలో మీటర్ దూరంలో ఉంటారు మన విక్టరీ వెంకటేష్. పోటీగా ఎంత మంది స్టార్ హీరోలు ఉన్నా.. ఆ స్టార్ హీరోలు అలాగే వారి అభిమానులు కూడా వెంకటేష్ సినిమాలు హిట్టవ్వాలని కోరుకుంటూ ఉంటారు అంటే అతిశయోక్తి కాదేమో. చిరంజీవి, నాగార్జున, బాలకృష్ణ వంటి తోటి స్టార్ హీరోలతో ఓ కుటుంబ సభ్యుడిగా మెలుగుతుంటాడు మన వెంకీ మామ. అంతేకాకుండా తెలుగువారందరికీ ఆవకాయ ఎంత ఇష్టమో.. మన వెంకటేష్ కూడా అంతే ఇష్టం’ అంటూ ఈ తరం హీరోలలో ఒకరైన నాని కూడా ఓ సందర్భంలో చెప్పుకొచ్చారు.
అయితే వెంకటేష్ అంటే పడని ఓ హీరోయిన్ కూడా ఉందట. అంతేకాదు ఆ హీరోయిన్ తో వెంకటేష్ కు 25 ఏళ్ళుగా మాటలు లేవంట. వినడానికే విడ్డూరంగా ఉంది కదూ..! ‘వెంకటేష్ అంటే పడని హీరోయిన్ కూడా ఉందా? ఎవరా హీరోయిన్?’ అనే ప్రశ్న ఈ పాటికే మీ మైండ్లో తిరుగుతూ ఉండొచ్చు. ఆమె మరెవరో కాదు రోజా. విషయంలోకి వెళితే.. ‘వెంకటేష్ నటించిన ‘చిన రాయుడు’ చిత్రంలో రోజా హీరోయిన్ గా నటించాల్సి ఉంది.
కానీ దర్శకనిర్మాతల పట్టు వలన ఆ సినిమాలో విజయశాంతిని హీరోయిన్ గా తీసుకున్నారు. దీంతో రోజా.. వెంకీని నిలదీసిందట. దర్శకనిర్మాతల పట్టువలనే అలా చేయాల్సి వచ్చింది అని వెంకీ చెప్పారట. తర్వాత వీరిద్దరూ కలిసి ‘పోకిరి రాజా’ అనే సినిమాలో నటించారు. ఈ మూవీలో రోజా అయిష్టంగానే నటించిందట. 1995 లో ‘పోకిరి రాజా’ విడుదలైంది. ఈ మూవీ తర్వాత వెంకటేష్, రోజాల మధ్య ఇప్పటివరకు మాటలు లేవట.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
