ఆ లెక్కన ‘వాల్తేరు వీరయ్య’, ‘వీర సింహా రెడ్డి’ రెండూ సూపర్ హిట్లే!

November 5, 2022 / 03:15 PM ISTByFilmy Focus

Join Us

ఆ లెక్కన ‘వాల్తేరు వీరయ్య’, ‘వీర సింహా రెడ్డి’ రెండూ సూపర్ హిట్లే!

టాలీవుడ్‌లో చాలా రోజుల తర్వాత రాబోయే సంక్రాంతి ఆసక్తికరంగా మారింది.. మెగాస్టార్ చిరంజీవి, నటసింహా నందమూరి బాలకృష్ణ సినిమాలు విడుదలవుతున్నప్పుడు, అదికూడా సంక్రాంతి సీజన్‌లో అయితే ఇండస్ట్రీతో పాటు ఫ్యాన్స్ అండ్ ఆడియన్స్‌లో కూడా భారీ అంచనాలుంటాయి.. ఈ అగ్ర కథానాయకుల చిత్రాలు ఇంతకుముందు బాక్సాఫీస్ బరిలో పలుసార్లు పోటీపడ్డాయి.. ఒకోసారి ఒకొక్కరిది పై చేయి అయింది. కానీ 2023 సంక్రాంతి సమరంలో ఇద్దరూ కూడా సాలిడ్ సినిమాలతో బరిలోకి దిగుతున్నారు.

ఫిలిం వర్గాలవారి సమాచారం ప్రకారం రెండు సినిమాలు కూడా హీరోల ఇమేజ్‌కి తగ్గట్టు, మంచి కంటెంట్‌తో పాటు ప్రేక్షకాభిమానులు తమ నుండి ఏం ఆశిస్తున్నారో వాటన్నిటినీ చూపించే విధంగా తెరకెక్కాయని.. కచ్చితంగా ‘వాల్తేరు వీరయ్య’, ‘వీర సింహా రెడ్డి’ సూపర్ హిట్స్ అవుతాయని అంటున్నారు.. వివరాల్లోకి వెళ్తే..

‘వాల్తేరు వీరయ్య’ లో వింటేజ్ చిరుని చూస్తారు..

మెగాస్టార్ చిరంజీవి మాస్ ఇమేజ్, మేనరిజమ్స్, డ్యాన్సుల గురించి కొత్తగా చెప్పక్కర్లేదు.. కొంత కాలంగా ప్రేక్షకాభిమానులు చిరుని ఓ సాలిడ్ మాస్ మూవీలో చూడాలని కోరుకుంటున్నారు.. ‘వాల్తేరు వీరయ్య’ తో ఆ లోటు తీర్చబోతున్నారని తెలుస్తోంది. 2005లో వచ్చిన ‘అందరివాడు’ తర్వాత చిరు తనకు కొట్టిన పిండి అయిన మాస్ జానర్‌లో సినిమా చెయ్యలేదు. ‘అందరివాడు’ లో గోవింద రాజులు క్యారెక్టర్‌లో చిరు మేనరిజమ్స్, కామెడీ టైమింగ్, ముఖ్యంగా డ్రింకింగ్ సీన్స్ అదిరిపోతాయి..

రీ ఎంట్రీ మూవీ ‘ఖైదీ నెం:150’ తర్వాత ‘సైరా’, ‘ఆచార్య’, ‘గాడ్ ఫాదర్’ చిత్రాల్లో ఒకప్పటి చిరుని చూడలేకపోయాం.. ‘వాల్తేరు వీరయ్య’ ఆ లోటుని భర్తీ చేస్తుందని టీజర్ చూస్తే అర్థమవుతోంది. బ్రహ్మాండమైన మాస్ మూవీతో మళ్లీ పాత మెగాస్టార్‌ని చూడబోతున్నాం.. ఫ్యాన్స్ అండ్ ఆడియన్స్‌ని సర్‌ప్రైజ్‌కి గురిచేసే అంశాలు ఇంకా చాలానే ఉన్నాయి.. రవితేజ, దేవి శ్రీ సంగీతం, ఐటెమ్ సాంగ్, చిరు మేనరిజమ్స్, డ్యాన్స్, డైలాగులు అదిరిపోతాయంటున్నారు..

‘వీర సింహా రెడ్డి’.. విందు భోజనం లాంటి సినిమా..

బాలయ్య బాబు వీరాభిమానిగా ‘వీర సింహా రెడ్డి’ తీస్తున్నాను.. నో డౌట్, సినిమా సూపర్ హిట్ అంటూ అభిమానుల్లో అంచనాలు పెంచేశాడు డైరెక్టర్ గోపిచంద్ మలినేని.. బాలయ్య ద్విపాత్రాభినయం చేసిన సినిమాలు చాలా వరకు సూపర్ డూపర్ హిట్స్ అయ్యాయి.. ‘సింహా’, ‘లెజెండ్’, ‘అఖండ’ తర్వాత డ్యుయల్ రోల్, ‘సింహా’ తర్వాత తండ్రీకొడుకులుగా కనిపించడం ఈ మూవీలోనే.. అందులోనూ నటసింహా కెరీర్‌లో ఇండస్ట్రీ హిట్స్ కొట్టిన ‘సింహా’ పేరులో ఉండడం, ట్రెండ్ సెట్ చేసిన ఫ్యాక్షన్ బ్యాక్ డ్రాప్ కావడం పెద్ద ప్లస్ పాయింట్స్..

‘వీర సింహా రెడ్డి’ వెండితెర విజృంభణ ఎలా ఉంటుందో ఫస్ట్ హంట్ టీజర్‌లో హింట్ ఇచ్చారు.. బాలయ్య లుక్స్, మేనరిజమ్స్, డైలాగ్స్ కేక అనేలా ఉన్నాయి.. అభిమానుల అంచనాలు ఆకాశాన్నంటేలా.. ‘‘ఔట్ పుట్ అదిరిపోయింది.. దర్శకుడు, బాలయ్యని బీభత్సంగా చూపించాడు.. బొమ్మ బ్లాక్ బస్టర్’’ అనే మాటలు ఫిలింనగర్‌లో వినిపిస్తున్నాయి..