ఒక్కోసారి దరిద్రం ఎంతవద్దన్నా వెంటాడుతుంది, కొన్నిసార్లు అదృష్టం కూడా దరిద్రంలా పట్టుకొంటుంది. ఈ రెండోడానికి విజయ్ దేవరకొండ పర్ఫెక్ట్ ఎగ్జాంపుల్. అతను కష్టపడకుండా సినిమాలు హిట్ అవుతున్నాయి అనడం లేదు కానీ..అదృష్టం కలిసొచ్చి కలెక్షన్స్ మాత్రం కొల్లగొడుతున్నాడు. అతని మునుపటి సూపర్ హిట్ చిత్రం “గీత గోవిందం” రిలీజ్ కి వారం ముందు, రిలీజ్ కి ఓ మూడు వారాల తర్వాత ఒక్కటంటే ఒక్క హిట్ కాదు కదా కనీసం యావరేజ్ సినిమా కూడా రాలేదు. దాంతో విజయ్ విజయగర్వంతో వందకోట్ల మార్క్ ను అత్యంత సునాయాసంగా క్రాస్ చేసి యువ కథానాయకుల్లో నెంబర్ 1 పొజిషన్ లో కూర్చున్నాడు.
ఇప్పుడు “టాక్సీవాలా” విషయంలోనూ అదే సీన్ రిపీట్ అవుతోంది. ఆ సినిమాకి ముందు రోజు విడుదలైన “అమర్ అక్బర్ ఆంటోనీ” డిజాస్టర్ అవ్వడం.. ఈవారం విడుదలైన చిత్రాల్లో పెద్దగా ఆకట్టుకొనే స్థాయి సినిమా ఒక్కటీ లేకపోవడంతో “టాక్సీవాలా” 70% హౌస్ ఫుల్స్ తో బాక్సాఫీస్ వద్ద హల్ చల్ చేస్తోంది. ఈ సినిమా కూడా 50 కోట్లు వసూలు చేసే అవకాశం ఉందని ట్రేడ్ పండితుల అంచనా. మరి ఏమవుతుందో చూడాలి. కానీ.. ఒక హీరోకి ఈరేంజ్ లో లక్ కలిసి రావడం అనేది ఈమధ్యకాలంలో విజయ్ దేవరకొండ విషయంలో తప్ప మరెవరి విషయంలోనూ జరగలేదు.
