అనుష్క భాగమతికి పోటీ లేదు

అందరితో కలిసి నడుస్తూనే ప్రత్యేకతను చాటుకోవడమే విజేత లక్షణం. ఈ విషయం సినిమాల్లోకి రాకముందే అనుష్క మైండ్ లో ముద్రించుకుందేమో గానీ .. తోటి హీరోయిన్స్ లా గ్లామర్ రోల్స్ చేస్తూనే అప్పుడప్పుడు అదిరిపోయేలా రోల్స్ తో ప్రేక్షకుల మదిలో గుర్తిండిపోతోంది. ఆమె చేసిన లేడీ ఓరియెంటెడ్ సినిమాలు అరుంధతి, రుద్రమదేవి మంచి పేరుని తెచ్చి పెట్టాయి. అలాంటి కథతో స్వీటీ చేసిన మూవీ భాగమతి. బాహుబలి సినిమాల తర్వాత అనుష్క చేసిన ఈ సినిమాని పిల్ల జమీందార్ ఫేం అశోక్ దర్శకత్వం వహించారు. యువీ క్రియేషన్స్ బ్యానర్లో వంశీ, ప్రమోద్ లు నిర్మించిన ఈ సినిమా టీజర్, ట్రైలర్ విశేషంగా ఆకట్టుకుంటోంది.

ఈ సినిమా జనవరి 26వ తేదీన రిలీజ్ కానుంది. అదే తేదీన మరో రెండు సినిమాలు రిలీజ్ కావాలి. మంచు విష్ణు “ఆచారి అమెరికా యాత్ర”, సందీప్ కిషన్ “మనసుకు నచ్చింది” సినిమాలు 26వ తేదీన వస్తున్నట్టు ప్రకటించుకున్నాయి. దీంతో మూడు సినిమాలకు గట్టి పోటీ ఉంటుందని, కలెక్షన్ల పరంగా కొంత ఇబ్బంది ఏర్పడుతుందని అందరూ భావించారు. కానీ నిన్న సందీప్ కిషన్ యొక్క ‘మనసుకు నచ్చింది’ చిత్రం ఫిబ్రవరి 16 కు వాయిదాపడగా ఈరోజు ‘ఆచారి అమెరికా యాత్ర’ సాంకేతిక కారణాల నిమిత్తం ఫిబ్రవరి 2వ వారానికి వెళ్ళింది. ఈ వాయిదాలతో అనుష్క సింగిల్ గా వస్తోంది. డబ్బింగ్ సినిమాలు ఏవీ రాకుంటే భాగమతికి కలక్షన్ల వర్షం గ్యారంటీ. మంచి ఓపెనింగ్స్ తో పాటు చిత్రం బాగుంటే వారం రోజుల పాటు వసూళ్లే వసూళ్లు.