ఒకప్పుడు వరుస విజయాలతో స్టార్ డైరెక్టర్ గా గుర్తింపును సొంతం చేసుకున్న శ్రీనువైట్ల బాద్ షా తరువాత దర్శకత్వం వహించిన సినిమాలన్నీ ఒకదానిని మించి మరొకటి డిజాస్టర్ అయ్యాయి. మంచు విష్ణుతో డి అండ్ డి సినిమా తెరకెక్కించనున్నానని గతేడాది శ్రీనువైట్ల ప్రకటించగా కరోనా వల్ల ఈ సినిమా షూటింగ్ అంతకంతకూ ఆలస్యమవుతోంది. మరోవైపు శ్రీనువైట్లకు గ్యాప్ వచ్చిందని సోషల్ మీడియాలో వార్తలు ప్రచారంలోకి వస్తున్నాయి. సోషల్ మీడియాలో వైరల్ అవుతున్న గాసిప్స్ పై స్పందించిన శ్రీనువైట్ల తనకు గ్యాప్ వచ్చిందని జరుగుతున్న ప్రచారంలో ఏ మాత్రం నిజం లేదని చెప్పుకొచ్చారు.
ప్రకటించిన ప్రాజెక్ట్ ఆలస్యం కావడానికి కరోనానే కారణమని శ్రీనువైట్ల వెల్లడించారు. ఈ సినిమాతో పాటు మరో రెండు కథలను సిద్ధం చేసుకున్నానని ఈ సినిమాలకు నిర్మాతలు కూడా సిద్ధంగా ఉన్నారని శ్రీనువైట్ల చెప్పుకొచ్చారు. తాను తయారు చేసిన మూడు కథలు నాన్ స్టాప్ గా నవ్వించే కథలే అని ప్రేక్షకులు నా నుంచి ఎలాంటి సినిమాలు కోరుకుంటారో ఈ సినిమాలు అలానే ఉంటాయని శ్రీనువైట్ల వెల్లడించారు. డి అండ్ డి రిలీజైన తర్వాత గ్యాప్ తీసుకోకుండానే మిగతా రెండు సినిమాలను తెరకెక్కిస్తానని శ్రీనువైట్ల పేర్కొన్నారు.
శ్రీనువైట్ల గత సినిమాలు కూడా కామెడీతో కూడిన సినిమాలే అయినప్పటికీ ఆ సినిమాలు ఆశించిన స్థాయిలో సక్సెస్ కాలేదు. ప్రస్తుతం ప్రేక్షకులు కామెడీతో పాటు నవ్యత ఉన్న కథలకే ఓటేస్తున్నారు. మరి శ్రీనువైట్ల డి అండ్ డి సినిమాతోనైనా సక్సెస్ ట్రాక్ లోకి వస్తారేమో చూడాల్సి ఉంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
