Thimmarusu Trailer: ‘వకీల్ సాబ్’..సత్యదేవ్ వెర్షన్ లా ఉందిగా..!

లాయర్ సత్యదేవ్ గా ఇటీవల పవన్ కళ్యాణ్ ‘వకీల్ సాబ్’ లో అలరించాడు. అదేంటో కో- ఇన్సిడెన్స్ అనుకుంట.. ఇప్పుడు హీరో సత్యదేవ్ కూడా లాయర్ గెటప్ లో ‘తిమ్మరుసు’ అంటూ ప్రేక్షకుల ముందుకు రావడానికి రెడీ అయ్యాడు. ‘ఈస్ట్ కోస్ట్ ప్రొడక్షన్స్’ బ్యానర్ పై మహేష్ ఎస్ కోనేరు, సృజన యరబోలు కలిసి ఈ చిత్రాన్ని నిర్మించారు.శరణ్ కొప్పిశెట్టి ఈ చిత్రానికి దర్శకుడు. ఎప్పుడో విడుదల కావాల్సిన ఈ చిత్రం కరోనా సెకండ్ వేవ్ ఎఫెక్ట్ కారణంగా వాయిదా పడుతూ వచ్చింది.

ఇక ఈ మధ్యనే థియేటర్లు ఓపెన్ అయిన నేపథ్యంలో జూలై 30న ‘తిమ్మరుసు’ విడుదల కాబోతుంది. ఈ మధ్యనే సెన్సార్ పూర్తి చేసుకున్న ఈ చిత్రానికి యు/ఎ సర్టిఫికేట్ ను జారీ చేశారు సెన్సార్ సభ్యులు. ఇక ప్రచార కార్యక్రమాల్లో భాగంగా తాజాగా ట్రైలర్ ను కూడా విడుదల చేశారు. అదెలా ఉందో ఓ లుక్కేద్దాం రండి : డిఫెన్స్ లాయర్ రామచంద్ర పాత్రలో సత్యదేవ్ ఈ చిత్రంలో కనిపించబోతున్నాడు. ‘అతను తెలివైనవాడే కానీ ప్రాక్టికల్ గయ్ కాదు’ అంటూ హీరోయిన్ పలికే డైలాగ్ ను బట్టే.. హీరో సిన్సియర్ అని, కమర్షియల్ కాదు అనే హింట్ ఇచ్చారు.

8 ఏళ్ళ క్రితం మూతపడ్డ క్యాబ్ డ్రైవర్ కేసుని తిరిగి రీ ఓపెన్ చేసి సమస్యల్లో చిక్కుకునే పాత్రలో హీరో సత్యదేవ్ కనిపిస్తున్నాడు. బ్రహ్మాజీ కామెడీ, ప్రియాంక జవాల్కర్ గ్లామర్ ఈ చిత్రానికి హైలెట్ గా నిలిచే అవకాశం ఉన్నట్టు అనిపిస్తుంది. థ్రిల్లర్ ఎలిమెంట్స్ ను కూడా దర్శకుడు బాగానే మిక్స్ చేసాడేమో అనే భావన కలుగుతుంది. ‘నేను కొడితే సౌండ్ ఎలా వస్తుందో వాణ్ణి అడుగు’ అంటూ ఓ పోలీస్ ఆఫీసర్( అజయ్ పాత్ర) వార్ణింగ్ ఇస్తుంటే ‘నువ్వు కొడితే సౌండ్ వస్తుందేమో.. ఈ లాయర్ కొడితే లైఫ్ అంతా రీ సౌండే’ అంటూ హీరో(సత్యదేవ్) చెప్పే డైలాగ్ ఆకట్టుకుంటుంది. ట్రైలర్ ఓకే అనిపించే విధంగా ఉంది. మీరు కూడా ఓ లుక్కేయండి :

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!