తెలుగు రాష్ట్రాల ప్రేక్షకులలో తన నటనతో మంచి గుర్తింపును సొంతం చేసుకున్న హీరోయిన్లలో ఇలియానా ఒకరు. తెలుగులో దాదాపుగా అందరు స్టార్ హీరోలకు జోడీగా నటించిన ఇలియానా ఆ సినిమాలతో విజయాలను సొంతం చేసుకున్నారు. దాదాపుగా ఏడేళ్ల పాటు తెలుగులో స్టార్ హీరోయిన్ గా ఇలియానా ఒక వెలుగు వెలిగారు. ఒక విధంగా రెమ్యునరేషన్ విషయంలో కూడా ఇలియానా సత్తా చాటారు. ఆ తర్వాత బాలీవుడ్ ఇండస్ట్రీలో ఇలియానా ఆఫర్లను సొంతం చేసుకున్నారు.
ఇలియానా బాలీవుడ్ సినిమాలలో నటించడంలో తప్పు లేకపోయినా టాలీవుడ్ సినిమాలను నిర్లక్ష్యం చేయడం ఆమెకు మైనస్ గా మారింది. బాలీవుడ్ లో బిజీ అయిన తర్వాత తెలుగులో ఇలియానా కొన్ని సినిమాలలో కనిపించినా ఆ సినిమాలు ఆశించిన స్థాయిలో సక్సెస్ సాధించలేదు. ఇలియానా టాలీవుడ్ ఇండస్ట్రీకే పరిమితమై ఉంటే ఆమె ఇప్పటికీ వరుస ఆఫర్లతో బిజీగా ఉండేవారని చెప్పవచ్చు.
ఇలియానాతో పాటు సినిమా ఇండస్ట్రీలోకి ఎంట్రీ ఇచ్చిన కొంతమంది హీరోయిన్లు ఇప్పటికీ మంచి ఆఫర్లను సొంతం చేసుకుంటూ కెరీర్ ను కొనసాగిస్తున్నారు. ఇలియానా మాత్రం మంచి ఆఫర్ల కంటే రెమ్యునరేషన్ కు ఎక్కువ ప్రాధాన్యత ఇవ్వడం గమనార్హం. ఇలియానా హీరోయిన్ గా నటించిన జల్సా మూవీ తెలుగులో రీరిలీజ్ కానున్న సంగతి తెలిసిందే. ఈ సినిమా రీరిలీజ్ వల్ల ఇలియానా పేరు ఇండస్ట్రీ వర్గాల్లో వినిపిస్తోంది.
త్రివిక్రమ్ శ్రీనివాస్ డైరెక్షన్ లో తెరకెక్కిన సినిమాలు ఇలియానాకు మంచి పేరు తెచ్చిపెట్టాయి. గత నెలలో రీ రిలీజైన పోకిరి సినిమా కూడా ఇలియానా పేరు వార్తల్లో నిలవడానికి కారణమంది. టాలీవుడ్ పై ఇలియానా దృష్టి పెడితే ఆమె కెరీర్ కు మేలు జరుగుతుందని కామెంట్లు వినిపిస్తుండగా ఇలియానా ఏ విధంగా ముందుకెళతారో చూడాల్సి ఉంది. సినిమాసినిమాకు నటిగా ఇలియానా రేంజ్ పెరుగుతోంది.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
