యూట్యూబ్ ద్వారా తన కామెడీ టైమింగ్ తో ఊహించని స్థాయిలో పాపులారిటీని సొంతం చేసుకున్న వాళ్లలో వైవా హర్ష ఒకరు. వైవా హర్ష కామెడీ టైమింగ్ కు ఎంతోమంది అభిమానులు ఉన్నారు. వైవా హర్ష ప్రధాన పాత్రలో సుందరం మాస్టర్ అనే సినిమా తెరకెక్కుతుండగా ఈ సినిమాపై అంచనాలు అంతకంతకూ పెరుగుతున్నాయి. ఈ సినిమాతో హర్ష మరో సక్సెస్ ను ఖాతాలో వేసుకుంటాడని ఫ్యాన్స్ భావిస్తున్నారు. అయితే భోళా శంకర్ సినిమా ప్రమోషన్స్ లో భాగంగా చిరంజీవి మాట్లాడుతూ తనకు, వైవా హర్ష తండ్రికి ఉన్న అనుబంధం గురించి చెప్పుకొచ్చారు.
ఈ మధ్యనే పాత స్నేహితులంతా కలిశామని చాలాసేపు మాట్లాడుకున్నామని నా స్నేహితుడిని కలిసే వరకు వైవా హర్ష నా స్నేహితుడి కొడుకని తెలియదని మెగాస్టార్ తెలిపారు. నా ఫ్రెండ్ మాత్రం ముందే తెలుసని అనుకున్నాడని చిరంజీవి పేర్కొన్నారు. నా ఫ్రెండ్ కొడుకు మూవీ యాక్టర్ కావడం నాకు ఎంతో సంతోషాన్ని కలిగిస్తోందని ఆయన చెప్పుకొచ్చారు. చిరంజీవి స్నేహితుడి కొడుకు గురించి గొప్పగా చెప్పడం గురించి ప్రశంసలు వ్యక్తమవుతున్నాయి.
చిరంజీవి (Chiranjeevi) టాలెంట్ ఉన్నవాళ్లను ప్రోత్సహిస్తారనే సంగతి ప్రత్యేకంగా చెప్పాల్సిన అవసరం లేదు. తన ప్రతిభతో చిరంజీవి కెరీర్ పరంగా అంతకంతకూ ఎదుగుతుండటం గమనార్హం.భోళా శంకర్ సినిమా కమర్షియల్ గా మాత్రం సక్సెస్ సాధిస్తుందని అభిప్రాయాలు వ్యక్తమవుతున్నాయి. చిరంజీవి ఫ్యాన్స్ కు ఈ సినిమా నచ్చేసింది. పవన్ కళ్యాణ్ ను చిరంజీవి ఇమిటేట్ చేసిన సీన్లు ఫ్యాన్స్ ను ఎంతగానో ఆకట్టుకుంటున్నాయి. చిరంజీవి త్వరలో కొత్త ప్రాజెక్ట్ లను ప్రకటించనుండగా ఈ సినిమాలు సైతం భారీ రేంజ్ లో ఉండనున్నాయని తెలుస్తోంది.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
