ఛలో సినిమాతో టాలీవుడ్ ఇండస్ట్రీలో కెరీర్ ను మొదలుపెట్టిన రష్మిక తొలి సినిమాతో సక్సెస్ ను ఖాతాలో వేశారు. ఈ సినిమాలో నాగశౌర్య హీరోగా నటించగా వెంకీ కుడుముల డైరెక్షన్ లో ఈ సినిమా తెరకెక్కింది. అయితే రష్మికకు నాగశౌర్య వరుసకు అన్నయ్య అవుతారని సోషల్ మీడియా వేదికగా కామెంట్లు వినిపిస్తున్నాయి. ఇలా కామెంట్లు వినిపించడానికి ఒక ప్రత్యేకమైన కారణం ఉంది. ఛలో సినిమాలో ఛాన్స్ వచ్చినా ఈ సినిమాలో నటించడానికి రష్మిక మొదట అంగీకరించలేదట.
అయితే నాగశౌర్య (Naga Shaurya) తల్లీదండ్రులు ఒక మనిషిని పంపించి ఛలో సినిమాలో నటించాలని మరీమరీ కోరడంతో ఆ సినిమాలో నటించడానికి రష్మిక చివరికి ఓకే చెప్పారట. ఛలో సెట్స్ లో రష్మిక నాగశౌర్య పేరెంట్స్ ను మమ్మీ డాడీ అని పిలిచేవారట. అందువల్ల రష్మికకు నాగశౌర్య అన్నయ్య వరుస అవుతారని కామెంట్లు వినిపిస్తున్నాయి. తమ బ్యానర్ ద్వారా టాలీవుడ్ ఇండస్ట్రీకి పరిచయమైన రష్మిక ఈ స్థాయికి చేరుకోవడం సంతోషంగా ఉందని నాగశౌర్య తల్లీదండ్రులు వెల్లడించగా ఆ విషయాలు వైరల్ అవుతున్నాయి.
రష్మిక ప్రస్తుతం పుష్ప2 సినిమాతో బిజీగా ఉండగా ఈ ఏడాది ఆగష్టు నెల 15వ తేదీన ఈ సినిమా థియేటర్లలో రిలీజ్ కానుంది. పుష్ప ది రూల్ సినిమాకు రికార్డ్ స్థాయిలో బిజినెస్ ఆఫర్లు వస్తున్నాయని తెలుస్తోంది. రష్మికకు సోషల్ మీడియాలో సైతం మైండ్ బ్లాంక్ అయ్యే స్థాయిలో ఫ్యాన్ ఫాలోయింగ్ పెరుగుతోంది.
యానిమల్ సినిమాతో బాలీవుడ్ ఇండస్ట్రీలో సైతం సత్తా చాటిన రష్మిక క్రేజీ ప్రాజెక్ట్ లను ఎంచుకుంటే మాత్రం కెరీర్ పరంగా మరింత ఎదిగే అవకాశాలు అయితే ఉంటాయి. రష్మిక పారితోషికం కూడా ఒకింత భారీ లెవెల్ లో ఉంది. రష్మికను అభిమానించే ఫ్యాన్స్ సంఖ్య అంతకంతకూ పెరుగుతోంది. రష్మిక ఇకపై కెరీర్ విషయంలో ఎలా ముందడుగులు వేస్తారో తెలియాల్సి ఉంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home